Aqtöbe oblysynda bes aida 13 myŋǧa juyq jaŋa jūmys orny qūryldy. Būl turaly oblys äkımı Oŋdasyn Orazalin Ortalyq kommunikasiialar qyzmetınde ötken Aqtöbe oblysynyŋ biylǧy bes aidaǧy äleumettık-ekonomikalyq damuynyŋ qorytyndylary men aldaǧy kezeŋge arnalǧan josparlary turaly baspasöz mäslihaty barysynda mälımdedı.
«Memleket basşysy özınıŋ Qazaqstan halqyna Joldauynda atap ötkendei, halyqtyŋ jūmyspen qamtyluy jäne olardyŋ tabystaryn saqtau bızdıŋ basty mındetterımızdıŋ bırı bolyp tabylady. Bügıngı künı oblysta jūmyssyzdyq deŋgeiı 4,8% qūraidy, bes aida 13 myŋǧa juyq jaŋa jūmys orny qūrylsa, onyŋ jartysy tūraqty. Jastar arasyndaǧy jūmyssyzdyq deŋgeiı de ortaşa respublikalyq deŋgeiden tömen - 2,5%. Jalpy, biylǧy jyly 53 myŋ jūmyssyz ben özın-özı jūmyspen qamtyǧandardy jūmysqa ornalastyruǧa kömek körsetu josparlanyp otyr», - dedı O.Orazalin.Eseptı kezeŋde oblysta ortaşa ailyq eŋbekaqy 196 myŋ teŋgenı qūrady, būl ötken jyldyŋ säikes kezeŋımen salystyrǧanda 16,5% -ǧa artyq.
«Būǧan, sonyŋ ışınde, jyl basynan berı qyryqtan astam ırı jäne orta käsıporyndardyŋ 30 myŋnan asa jūmysşynyŋ eŋbekaqysyn ortaşa 15% -ǧa ösıruınıŋ arqasynda qol jettı», - dedı oblys äkımı.Sondai-aq, memlekettıŋ äleumettık saiasatyn ıske asyru aiasynda jyl basynan berı 24 myŋǧa juyq azamat 710 million teŋge kölemınde atauly äleumettık kömek aldy, 1 jastan 6 jasqa deiıngı 5,7 myŋ balaǧa jalpy somasy 161 mln. teŋgege kepıldendırılgen äleumettık paket berıldı. Jergılıktı deŋgeide qosymşa qoldau körsetu maqsatynda 13 myŋǧa juyq azamatqa türlı jeŋıldıkter, qosymşa tölemder men 702 mln.teŋge kölemınde ötemaqylar berıldı. Sonymen qatar, biyl 14,5 myŋ mümkındıgı şekteulı jandardy äleumettık qoldauǧa 3,1 mlrd. teŋge bölındı.
