بيىل اقتوبە وبلىسىندا 14 اۋىل گازداندىرلادى. بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا اقتوبە وبلىسىنىڭ اكىمى وڭداسىن ورازالين مالىمدەدى.
«اۋىز سۋمەن جانە گازبەن قامتاماسىز ەتۋ – مەملەكەت باسشىسى ۇنەمى ايتىپ وتىراتىن باسىم مىندەتتەردىڭ ءبىرى. بۇگىندە وبلىس ورتالىقتاندىرىلعان سۋمەن قامتۋ جاعىنان قازاقستان بويىنشا وڭىرلەر اراسىندا ۇزدىك بەستىكتىڭ قاتارىندا. كورسەتكىش 96,2%-دى قۇرايدى. بيىل قۇنى 8,4 ملرد. تەڭگە بولاتىن 28 جوبانى جۇزەگە اسىرۋ جوسپارلانىپ وتىر. بۇل جىلدىڭ قورىتىندىسى بويىنشا وبلىس حالقىنىڭ 97,3%-ن ورتالىقتاندىرىلعان سۋمەن قامتاماسىز ەتۋگە مۇمكىندىك بەرەدى. 2025 جىلعا قاراي ءبىز حالىقتى اۋىز سۋمەن 100% قامتاماسىز ەتۋ مىندەتىن قويىپ وتىرمىز»، - دەدى و.ورازالين.
قازىرگى كەزدە وبلىس تۇرعىندارىنىڭ 91,6%-ى گازبەن قامتاماسىز ەتىلگەن. بيىل گازبەن جابدىقتاۋ جوبالارىن ىسكە اسىرۋعا 5,9 ملرد. تەڭگە قاراستىرىلعان. ناتيجەسىندە 14 اۋىلدىڭ تۇرعىندارى ءۇشىن كوگىلدىر وتىن قول جەتىمدى بولادى، بۇل تۇرعىنداردىڭ گازبەن قامتىلۋىن 92,6% -عا دەيىن ارتتىرادى.
