نۇر-سۇلتاندا ءۇندى شتامى ناۋقاستاردىڭ 56 پايىزىندا الدىن الا راستالدى. ولاردىڭ سىنامالارى قوسىمشا تەكسەرۋگە جىبەرىلگەن. بۇل تۋرالى ەلوردا اكىمدىگىندە ايتىلدى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
«COVID-19 جۇقتىرۋ جاعدايلارى كۇرت وسكەنىن جانە ءۇندى شتامىن جۇقتىرۋ ىقتيمالدىعىن ەسكەرە وتىرىپ، نۇر-سۇلتاندا قوسىمشا تەكسەرۋگە 54 ناۋقاستان سىناما الىندى. ونىڭ ىشىندە پاتسيەنتتەردىڭ 56 پايىزىنان (30 ادام - ەسكەرت.) ءۇندى شتامىن جۇقتىرۋ ىقتيمالدىعى انىقتالدى («دەلتا» شتامى). مۋتاتسيانىڭ بۇل ءتۇرى ەڭ جۇقپالى جانە تەز تارالادى»، - دەلىنگەن حابارلامادا.
اكىمدىك مالىمەتى بويىنشا، ەلوردادا قاۋىپسىزدىكتى قامتاماسىز ەتۋ ماقساتىندا قوسىمشا كارانتين شەكتەۋلەرى ەنگىزىلەدى. كوروناۆيرۋستىڭ تارالۋىنا جول بەرمەۋ شارالارى ەلوردا اكىمى التاي كولگىنوۆتىڭ باسشىلىعىمەن قالالىق شتاب وتىرىسىندا قارالعان.
«مۋتاتسيانىڭ جاڭا ءتۇرى ەڭ قاۋىپتى، ويتكەنى ءولىم قاۋپى جوعارى، ادامنىڭ يممۋنيتەتىنە قاتتى اسەر ەتەدى. 54 ناۋقاستىڭ 39 پايىزىنان ۇلىبريتانيالىق شتامم انىقتالعان. ءۇندى جانە ۇلىبريتانيالىق شتامم جۇقتىرعان پاتسيەنتتەردىڭ 80 پايىزدان استامىندا كلينيكالىق بەلگى بايقالادى. 20 ناۋقاس اۋرۋحاناعا جاتقىزىلدى، 20 پايىزىندا بەلگىلەر جوق، ءبىر ناۋقاس اۋرۋحاناعا جاتقىزىلدى. كوبى دارىگەر كومەگىنە جۇگىنگەن. التى جاعداي رەسەي، اۋعانستان، تۇركىستان، ەكەۋى اقمولا وبلىسىنان، شقو-دان كەلگەندەردە تىركەلگەن»، - دەدى نۇر-سۇلتاننىڭ باس سانيتاريا دارىگەرى سارحات بەيسەنوۆا.
ەلوردا اكىمى التاي كولگىنوۆ كوممۋنالدىق قىزمەتتەردىڭ، قۇرىلىس كومپانيالارىنىڭ باسشىلارىمەن، مەكتەپتەر، بالاباقشالار، كوللەدجدەر، سوو، بازارلار ديرەكتورى جانە باسقا دا ءىرى كاسىپورىندار وكىلدەرىمەن كەزدەستى. ول ادامدار قاۋىپسىزدىگىن قامتاماسىز ەتۋ جانە كوروناۆيرۋستىڭ تارالۋىنا جول بەرمەۋ ماقساتىندا ۇجىمداردى ۆاكتسينالاۋ قاجەتىن ەسكە سالدى. ۇجىمدىق يممۋنيتەت قالىپتاسقاندا عانا ولاردىڭ قىزمەتى توقتاتىلمايدى.
بۇعان دەيىن الەكسەي تسوي نۇر-سۇلتاندا تىركەلگەن كوروناۆيرۋس دەرەكتەرىن تەكسەرۋ بارىسىندا «دەلتا» نەمەسە ءۇندى شتامىنىڭ بەلگىلەرىنە ۇقساس جاعدايدىڭ تىركەلگەنىن ايتقان بولاتىن. مينيستر بۇل شتامنىڭ وزگەلەردەن ايتارلىقتاي اۋىر ەكەنىن ەسكەرتىپ، وسىعان بايلانىستى وڭىرلەردەن ءدارى-دارمەك پەن مەديتسينالىق كومەككە قاجەتتى بارلىق جابدىقپەن قامتىلۋدى سۇرادى.
ايتا كەتەيىك، قازاقستان رەسپۋبليكاسىنىڭ دەنساۋلىق ساقتاۋ مينيسترلىگىنىڭ ەلدە «ءۇندى» شتامنىڭ بولۋ ىقتيمالدىعىن انىقتاعانى حابارلانعان ەدى.
بۇگىن وسى دەرەككە بايلانىستى قر پرەمەر-ءمينيسترى اسقار مامين توراعالىق ەتكەن ۇكىمەت وتىرىسىندا ەلوردادا كارانتيندى كۇشەيتۋدى تاپسىردى.
