ماڭعىستاۋ وبلىسىندا مالمەن عانا كۇن كورىپ وتىرعان قىزان مەن اقشىمىراۋ اۋىلىنىنىڭ تۇرعىندارىنا قۋاڭشىلىقتىڭ كەسىرى قاتتى ءتيىپ وتىر.تۇرعىندار مالدى امان الىپ قالۋعا 204 ميليون تەڭگەنىڭ ءوزى ازدىق ەتەتىنىن ايتادى، دەپ حابارلايدى 31 ارنا.
ءبىز تۇرعان مىنا قىزان اۋىلىندا 2 مىڭعا جۋىق حالىق بار. وسى اۋىلدىڭ تۇرعىنىنىڭ ءبارى قازىر تەك قانا مالمەن كۇنەلتىپ وتىر. ال ءوڭىردى جايلاعان قۋاڭشىلىق بۇكىل ماڭعىستاۋلىقتاردىڭ باستى ماسەلەسىنە اينالدى. باسقا وڭىردەن جەتكىزىلگەن قىمبات ءشوپتى دە جەپ سەمىرىپ جاتقان جوق.
“مالىمدى امان الىپ قالام دەپ. باسى-كوزىنە قاراماي، پەنسياسىن، اقشاسىن سوعان سالىپ، كۇنەلتىپ جاساپ جاتىر. ولەتىنى ءولىپ جاتىر دالادا”، – دەدى قىزان اۋىلىنىڭ تۇرعىنى ءالىمباي امانوۆ
72 جىل بولدى ءبىرىنشى رەت كوردىم مىناداي قۋاڭشىلىقتى. جۇتتى كورگەنىمىز جوق ەدى. قۋاڭشىلىق، جوقشىلىق ءبارى قات-قابات بولىپ تۇر عوي”، – دەدى تۇرعىن بالاتورە التىباەۆ.
بۇعان دەيىن اۋىل شارۋاشىلىعى مينيسترلىگى ماڭعىستاۋ وڭىرىندەگى مالداردى امان الىپ قالۋعا 204 ميلليون تەڭگە قاراجات بولىنگەنىن ايتقان ەدى. سول اقشا ەسەبىنەن ماڭعىستاۋ، تۇپقاراعان، مۇنايلى، قاراقيا اۋدانى مەن جاڭاوزەن قالاسىنىڭ ءار قايسىسىنا 130 توننا ارپا جەتكىزىلگەن. الايدا كومەك شالعايداعى شارۋالارعا تيمەپتى. اۋىل اكىمى وبلىس اكىمدىگىنەن بولىنگەن قاراجاتقا الىناتىن جەم-ءشوپتى جەتكىزۋ ءۇشىن ءوتىنىم جىبەرىپ قويعانىن ايتادى. مال ازىعىن تاسىمالداۋمەن اينالىسىپ جاتقان وڭىردەگى «كاسپي» الەۋمەتتىك كاسىپكەرلىك كورپوراتسياسى تاۋاردى تەك اۋدان ورتالىقتارىنا عانا جونەلتىپتى. الايدا اۋدان ورتالىعىنان 110 شاقىرىم جەردە ورنالاسقان قىزان اۋىلىنىڭ تۇرعىندارىنا ونى وزدىگىنەن تاسۋ قيىن.
ء“بىز ەندى حالىقتان كەرەك ادامداردىڭ ءتىزىمىن شىعارامىز. سوعان بايلانىستى اۋداندىق اۋىل شارۋاشىلىق بولىمىنە ۇسىنىسىمىزدى تۇسىرەمىز ءشوپ كەرەك دەپ”، – دەدى اۋىل اكىمى قوناي سۇلەيمەنوۆ.
ال اۋىل شارۋاشىلىعى مينيسترلىگى وڭىردەگى جاعدايدى جەرگىلىكتى اكىمدىك ۋاقىتىندا حابارلاماعاندىقتان قازىرگى احۋالدىڭ قيىنداعانىن ايتادى. ق
“ولگەن مالعا قارجى قاراستىرىلمايدى. تەك قازىر بار مالدى ساقتاۋعا قاراجات بولىنەدى. اۋداندىق اكىمدىكتەر قۋاڭشىلىق جونىندە ەرتەرەك حابارلامادى. جاعداي ۋشىققانشا كۇتپەۋ كەرەك ەدى”، – دەدى اۋىل شارۋاشىلىعى مينيسترلىگى دەپارتامەنت ديرەكتورىنىڭ ورىنباسارى قايرات مۋتاەۆ.
قىزان اۋىلىندا قۇرعاق جەردەن ازىق تاپپاي قىرىلىپ قالعان مالدان قالعانى 5500 جىلقى، 2700 تۇيە، 13 مىڭ قوي مەن ەشكى. ەندى قالعان مالدى ساقتاپ قالۋ ءۇشىن شالعايداعى شارۋالار ۇكىمەتتەن قولجەتىمدى باعادا جەم مەن ءشوپتى اۋىلعا دەيىن تاسىمالداۋدى ۇيىمداستىرۋىن سۇرايدى.
ەسكە سالا كەتەيىك، ماڭعىستاۋ وبلىسىندا اشتىقتان قۇر سۇيەگى قالعان جىلقىلاردىڭ سۋرەتتەرىن Facebook قولدانۋشىسى بەردىمۇرات تورەكەنوۆ تۇسىرگەن بولاتىن. ماڭعىستاۋ وبلىسىنىڭ بىرنەشە اۋىلىندا جىلقىلار جويىلۋ الدىندا تۇر. بيىل جاۋىن-شاشىن بولماعاندىقتان، جايىلىمدار كەۋىپ قالعان، جىلقى ازىعىنىڭ جەتىسپەۋىنەن ونى تاماقتاندىراتىن جەم قالماعان.
