قىزىلوردادا ەكى تاۋلىكتەن بەرى ىزدەستىرىلىپ جاتقان ءجاسوسپىرىم قىزدىڭ دەنەسى قالا ىرگەسىندەگى شىركەيلى كانالىنان تابىلدى، دەپ حابارلايدى astanatv.kz
13 جاستاعى قىز ۇيىنەن جۇما كۇنى بەلگىسىز باعىتقا شىعىپ كەتكەن. قارقىندى ىزدەۋ جۇمىستارىنىڭ ناتيجەسىندە قۇتقارۋشىلار ونىڭ دەنەسىن جاعاعا الىپ شىقتى. قازىرگى تاڭدا سوت-ساراپتاماسى تاعايىندالدى. سونداي-اق وبلىستا كەشە 8 جاستاعى بالا سۋعا كەتتى. ونىڭ دەنەسى ءالى تابىلماي جاتىر.
«6 ءجاسوسپىرىم بىرگە بارعان. الايدا شەشىنىپ سۋعا تۇسەدى. سول سۋعا ءتۇسۋ بارىسىندا وقۋشىمىز سۋعا اعىپ كەتەدى. ول بويىنشا حابارلامانى كەش بەرەدى. سوعان بايلانىستى بۇگىنگى ءتۇنى 05:30-دا تاڭ اتا ءبىزدىڭ ىزدەستىرۋ-قۇتقارۋ جۇمىستارى باستالادى. قازىرگى كۇنگە دەيىن ەشقانداي ناتيجە بەرگەن جوق»، - دەدى قىزىلوردا وبلىستىق تجد ازاماتتىق قورعانىس باسقارماسىنىڭ باستىعى اسحات توعىزباەۆ.
توتەنشەلىكتەر سوڭعى ۋاقىتتا وقۋشىلاردىڭ سۋعا كەتۋ دەرەگى كوبەيگەندىگىن ايتىپ دابىل قاعۋدا. جىل باسىنان بەرى ايماقتا 20 سۋعا كەتۋ دەرەگى تىركەلسە، سونىڭ 14-ءى بالا.
