Izdestirilip jatqan 13 jasar qyzdyń máıiti tabyldy

573

Qyzylordada eki táýlikten beri izdestirilip jatqan jasóspirim qyzdyń denesi qala irgesindegi Shirkeıli kanalynan tabyldy, dep habarlaıdy astanatv.kz

13 jastaǵy qyz úıinen juma kúni belgisiz baǵytqa shyǵyp ketken. Qarqyndy izdeý jumystarynyń nátıjesinde qutqarýshylar onyń denesin jaǵaǵa alyp shyqty. Qazirgi tańda sot-saraptamasy taǵaıyndaldy. Sondaı-aq oblysta keshe 8 jastaǵy bala sýǵa ketti. Onyń denesi áli tabylmaı jatyr.

«6 jasóspirim birge barǵan. Alaıda sheshinip sýǵa túsedi. Sol sýǵa túsý barysynda oqýshymyz sýǵa aǵyp ketedi. Ol boıynsha habarlamany kesh beredi. Soǵan baılanysty búgingi túni 05:30-da tań ata bizdiń izdestirý-qutqarý jumystary bastalady. Qazirgi kúnge deıin eshqandaı nátıje bergen joq», - dedi Qyzylorda oblystyq TJD azamattyq qorǵanys basqarmasynyń bastyǵy Ashat Toǵyzbaev.

Tótenshelikter sońǵy ýaqytta oqýshylardyń sýǵa ketý deregi kóbeıgendigin aıtyp dabyl qaǵýda. Jyl basynan beri aımaqta 20 sýǵa ketý deregi tirkelse, sonyń 14-i bala.

Pikirler
Redakııa tańdaýy