جامبىل وبلىسىنا 100 ميللياردقا جۋىق ينۆەستيتسيا قۇيىلدى

2476
Adyrna.kz Telegram

دۇيسەنبى، 21 ماۋسىمدا جامبىل وبلىسىنىڭ اكىمى بەردىبەك ساپارباەۆ ورتالىق كوممۋنيكاتسيالار قىزمەتىندە كەزەكتى ءباسپاسوز ءماسليحاتىن وتكىزدى. ءماسليحات بارىسىندا وبلىستىڭ اعىمداعى جىلدىڭ قاڭتار-مامىر ايلارىنداعى الەۋمەتتىك-ەكونوميكالىق دامۋىنىڭ قورىتىندىلارى تۋرالى ايتتى، دەپ حابارلايدى "ادىرنا" ۇلتتىق پورتالى.

سونىمەن، پاندەميالىق جانە كارانتيندىك شارالاردىڭ كەرى اسەرىنە قاراماستان، جامبىل وبلىسىنداعى ەل باسشىلىعىنىڭ قولداۋىنىڭ ارقاسىندا ەكونوميكالىق ءوسىمنىڭ وڭ ديناميكاسىن ۇستاپ تۇرۋعا مۇمكىندىك تۋدى، ول 101,6% قۇرادى.

"ونەركاسىپتىك ءوندىرىس كولەمى 6,7% -عا ءوسىپ، 230,3 ملرد تەڭگەنى قۇرادى. اۋىل شارۋاشىلىعى - 2,9%-عا ارتىپ، (55,1 ملرد تەڭگە), قۇرىلىس - 6,5% (31,4 ملرد تەڭگەنى قۇرادى), پايدالانۋعا  204,3 مىڭ ش.م تۇرعىن ءۇي ەنگىزىلدى. بۇل وتكەن جىلدىڭ سايكەس كەزەڭىمەن سالىستىرعاندا 6,8%-عا ارتىق", دەدى بەردىبەك ساپارباەۆ.

ينۆەستيتسيالار سالاسىندا ايتارلىقتاي ءوسىم - 21,1%-دى كورسەتتى. بيىل وبلىس ەكونوميكاسىنا 98,2 ميلليارد تەڭگە تارتىلدى.

"بيىلعى جىلى جالپى قۇنى 436 ملرد تەڭگەنى قۇرايتىن 11 ينۆەستيتسيالىق جوبانى جۇزەگە اسىرۋ جوسپارلانىپ وتىر، ونىڭ ىشىندە 74,1 ملرد تەڭگەنىڭ بەس جوباسى پايدالانۋعا بەرىلدى", دەپ قوستى ساپارباەۆ.

"ادىرنا" ۇلتتىق پورتالى

پىكىرلەر