QR Bılım jäne ǧylym ministrlıgı Mail.KZ elektrondyq serviske arnalǧan Ūlttyq portalymen bırlesıp sifrlyq bılım berudı küşeitedı. Ol üşın taraptar tiıstı memorandumǧa qol qoidy dep habarlaidy "Adyrna" ūlttyq portaly.
Atap aitsaq, Bılım jäne ǧylym ministrlıgı men elektrondyq serviske arnalǧan ūlttyq portal bılım berudıŋ sifrlyq baǧdarlamalaryn äzırleidı. Sondai-aq bılım beru platformasy men paidalanuşylardy avtorizasiiadan ötkızu boiynşa bıryŋǧai tetıktı ılgerıletu jönındegı ıs-şaralardy jürgızetın bolady.
«Mail.KZ portalymen bız 2 jyldan astam uaqyt boiy yntymaqtastyqta jūmys ıstep kelemız. Qazaqstandyq mail jobasy ülken tehnologiialyq quatqa ie bolyp otyr. Ol alǧaşqylardyŋ bırı bolyp ŪBT nätijelerın tekseru, respublikalyq konkurstar, olimpiadalar men basqa da ıs-şaralardy tıkelei transliasiialau servisterın ıske asyruǧa kömektestı jäne kömektesıp keledı. Būl joly bız elektrondyq serviske arnalǧan Ūlttyq portalmen edu.kz jäne qosymşa bılım beru qyzmetterın, sonymen bırge eldıŋ barlyq paidalanuşylary üşın özderınıŋ tehnikalyq mümkındıkterın ūsynady dep kelıstık. Memorandum merzımsız jäne qarjylyq jauapkerşıkke mındettemeidı», - dedı QR Bılım jäne ǧylym vise-ministrı Rüstem Biǧari.
Sonymen qatar memorandumǧa säikes Mail.KZ ministrlıkke öteusız negızde Ūlttyq bılım beru derekter bazasymen integrasiialanǧan mail.kz ūlttyq poşta servisın, my.edu.kz paidalanuşynyŋ jeke kabinetın ūsynady.
Aita ketu kerek, atalǧan memorandum 10 mausymnan bastap öz küşıne endı.
"Adyrna" ūlttyq portaly.
