جاپونيالىق، اعىلشىندىق، گەرماندىق، امەريكاندىق كومپانيا باسقارۋ جۇيەسى بىزگە 100 جىلدا دا كەلمەيتىن سياقتى.
بىزدە نادان سانا، نادان قارىم قاتىناس، نادان ارەكەت. ءبىر ءبىرىن ەشقاشان سىيلامايدى. ويلاعانى اقشا. ءتاڭىرى دە اقشا، قۇدايى دا اقشا.
ونى كومپانون بولىپ جۇمىس ىستەسەڭىز كورەسىز.
ءبىز بىرنەشە كومپانيانىڭ سەرىكتەسى بولدىق قوي.
ومىردەگى پراكتيكادان ايتىپ جاتىرمىن.
جالپى، بىزدە جۇيە دە، سانا دا اقشاعا بايلانعان.
بۇل جۋىق ارادا تىعىرىقتان شىعارمايدى، تىعىرىققا تىعىپ تاستاي بەرەدى.
ءبىر ءبىرىن دەمەپ، تىعىرىقتان شىعارىپ جىبەرەيىن دەگەن نيەت ىزىمەن جوق بىزدە.
سەبەبى، سەنىم ولگەن. نيەت تە ولگەن. جالعان ۇمىتپەن جۇرەدى.
تالاي جىگىتتەردىڭ جىگەرى مۇقالىپ، تالاي جىگىتتەر شاعىلىپ، شاشىلىپ قالدى. تەك ادۋىندى، شىدامدى، توزىمدىلەرى عانا امان قالادى.
بۇل جۇيەدە شىداپ، سوڭىنا دەيىن بارۋ ەكىنىڭ ءبىرىنىڭ قولىنان كەلمەيدى.
توناۋ، وكتەمدىك ەتۋ، اقىسىن جەۋ.
قازاقتى دا، قازاقستاندى دا جۋىق ارادا جارىلقايمىن دەگەن ادام جاردان قۇلايدى.
قازاقستان قوعامىنىڭ ساناسى وركەنيەتتى جۇمىس جاساماسا، گۋمانيزم مەن ادامگەرشىلىكتى جولعا قويماسا، قازاقستان دامىمايدى.
تەز ارادا قازاقستان قوعامىنىڭ ساناسىنا پەرەۋستانوۆكا جاساماسا، شاعىلىپ، جانشىلىپ، اقىر سوڭى تۇتاس جاۋاپكەرشىلىكتەن جۇرداي بولىپ، رەگرەسس جايلايدى. بۇل جاقسىلىق ەمەس.
بەكبولات قارجان،
"ادىرنا" ۇلتتىق پورتالى
