اتىراۋ، اقتوبە جانە اقتاۋ گارنيزوندارى اسكەري بولىمدەرىنىڭ ۇزدىك اسكەري قىزمەتشىلەرى وفيتسەرلىك كوپسايىس جانە تابەلدىك قارۋدان وق اتۋ بويىنشا سىنعا ءتۇستى.
جارىسقا “باتىس” وڭىرلىك قولباسشىلىعىنا قاراستى اسكەري بولىمدەردىڭ بەس كومانداسىنىڭ قۇرامىندا 60-قا جۋىق اسكەري قىزمەتشى قاتىستى.
چەمپيوناتقا قاتىسۋشىلار وزدەرىنىڭ سپورتتىق بىلىكتىلىكتەرىنە سايكەس ءۇش جاسقا ءبولىندى: 30 جاسقا دەيىن، 30 جاستان 40 جاسقا دەيىن جانە 40 جاستان جوعارى جاس ساناتى بويىنشا. سوعان سايكەس جاس ساناتتارىنىڭ ديستانتسيالارى دا ءار ءتۇرلى. ناتيجەسىندە 280 ۇپايدان جوعارى كورسەتكىشكە قول جەتكىزگەن اسكەري قىزمەتشىلەرگە “سپورت شەبەرى( اتاعى بەرىلەدى، – دەدى وڭىرلىك قولباسشىلىق اسكەرلەرى قولباسشىلىعىنىڭ جاۋىنگەرلىك دايارلىق ءبولىمىنىڭ اعا وفيتسەرى مايور مەدەت قۇلىبەكوۆ
ءار وفيتسەردىڭ ترياتلون كومانداسىنىڭ قۇرامىندا بەس ادام قاراستىرىلعان، ولار ماكاروۆ تاپانشاسىنان جانە كالاشنيكوۆ اۆتوماتىنان وق اتۋ، 300, 200 جانە 100 مەترگە ەركىن ءجۇزۋ، 3000, 2000 جانە 1000 مەترگە جۇگىرۋ بويىنشا جارىستى.
قىزمەتتىك قارۋدان اتۋ بويىنشا جارىستا 3 ادامنان قۇرالعان كوماندالار قاتىستى. اتىس ەكى كەزەڭنەن تۇردى: بۇل پم-3 جاتتىعۋى – ماكاروۆ جۇيەسىندەگى تاپانشادان اتۋ جانە اك-3 جاتتىعۋى – كالاشنيكوۆ اۆتوماتىنان اتۋ.
چەمپيوناتتىڭ قورىتىندىسى بويىنشا وفيتسەرلىك ترياتلوننان ءبىرىنشى كوماندالىق ورىندى اقتوبە گارنيزونىنىڭ كومانداسى يەلەندى، اقتاۋ گارنيزونىنىڭ تەڭىز جاياۋ اسكەرى قىزمەتشىلەرى تابەلدىك قارۋدان وق اتۋ بويىنشا ۇزدىك اتاندى.
الماتى قالاسىندا وتەتىن قارۋلى كۇشتەردىڭ چەمپيوناتىنا قاتىساتىن جەڭىمپازداردان “باتىس” وڭىرلىك قولباسشىلىعىنىڭ كومانداسى قۇرىلادى.
