Atyraý, Aqtóbe jáne Aqtaý garnızondary áskerı bólimderiniń úzdik áskerı qyzmetshileri ofıerlik kópsaıys jáne tabeldik qarýdan oq atý boıynsha synǵa tústi.
Jarysqa “Batys” óńirlik qolbasshylyǵyna qarasty áskerı bólimderdiń bes komandasynyń quramynda 60-qa jýyq áskerı qyzmetshi qatysty.
Chempıonatqa qatysýshylar ózderiniń sporttyq biliktilikterine sáıkes úsh jasqa bólindi: 30 jasqa deıin, 30 jastan 40 jasqa deıin jáne 40 jastan joǵary jas sanaty boıynsha. Soǵan sáıkes jas sanattarynyń dıstanııalary da ár túrli. Nátıjesinde 280 upaıdan joǵary kórsetkishke qol jetkizgen áskerı qyzmetshilerge “Sport sheberi( ataǵy beriledi, – dedi óńirlik qolbasshylyq áskerleri qolbasshylyǵynyń jaýyngerlik daıarlyq bóliminiń aǵa ofıeri maıor Medet Qulybekov
Ár ofıerdiń trıatlon komandasynyń quramynda bes adam qarastyrylǵan, olar Makarov tapanshasynan jáne Kalashnıkov avtomatynan oq atý, 300, 200 jáne 100 metrge erkin júzý, 3000, 2000 jáne 1000 metrge júgirý boıynsha jarysty.
Qyzmettik qarýdan atý boıynsha jarysta 3 adamnan quralǵan komandalar qatysty. Atys eki kezeńnen turdy: bul PM-3 jattyǵýy – Makarov júıesindegi tapanshadan atý jáne AK-3 jattyǵýy – Kalashnıkov avtomatynan atý.
Chempıonattyń qorytyndysy boıynsha ofıerlik trıatlonnan birinshi komandalyq oryndy Aqtóbe garnızonynyń komandasy ıelendi, Aqtaý garnızonynyń teńiz jaıaý áskeri qyzmetshileri tabeldik qarýdan oq atý boıynsha úzdik atandy.
Almaty qalasynda ótetin Qarýly Kúshterdiń chempıonatyna qatysatyn jeńimpazdardan “Batys” óńirlik qolbasshylyǵynyń komandasy qurylady.
