قازاقستان «سۇڭقار» ورتا كلاستى زىمىران تاسىعىشىنىڭ ءساتتى ۇشىرىلۋىنان كەيىن عارىش دەرجاۆالارى كلۋبىنا ەندى، دەپ حابارلايدى "ادىرنا" ۇلتتىق پورتالى.
بۇل تۋرالى روسكوسموس باسشىسى دميتري باكانوۆ مالىمدەدى.
ونىڭ ايتۋىنشا، بۇل – قازاقستان مەن رەسەيدىڭ بىرلەسكەن «بايتەرەك» جوباسى اياسىندا جۇزەگە اسقان ءىرى حالىقارالىق جەتىستىك. جوبا بايقوڭىر عارىش ايلاعىندا ىسكە اسىرىلىپ، ۇشىرىلىم الدىندا كەشەن ايتارلىقتاي جاڭعىرتۋدان وتكەن.
ايتا كەتەيىك، 30 ءساۋىر كۇنى استانا ۋاقىتىمەن 23:00-دە بايقوڭىر عارىش ايلاعىنان «سۇڭقار» زىمىرانىنىڭ العاشقى سىناق ۇشىرىلىمى ءوتتى. ۇشۋدىڭ ءبىرىنشى جانە ەكىنشى ساتىلارى شتاتتىق رەجيمدە جۇمىس ىستەپ، زىمىران ماكەتى تىنىق مۇحيتىنىڭ الدىن الا بەلگىلەنگەن قاۋىپسىز ايماعىنا قۇلاعان.
سۇڭقار — ورتا كلاستى زىمىران. ونىڭ بيىكتىگى 58,8–65,2 مەتر، ال ۇشۋ ماسساسى 526–531 توننا ارالىعىندا. زىمىران وتىن رەتىندە نافتيل، ال توتىقتىرعىش رەتىندە سۇيىق وتتەگىن پايدالانادى. ول ءارتۇرلى وربيتالارعا اۆتوماتتى عارىش اپپاراتتارىن شىعارۋعا ارنالعان.
