ەلىمىزدە 50 پەدوفيل بوستاندىققا شىقتى

2741
Adyrna.kz Telegram

بيىل قاماۋ ورىندارىنداعى 50 پەدوفيل بوستاندىققا شىقتى، ولار كامەلەت جاسقا تولماعانداردى زورلاعان. بۇگىندە ەلدەگى كولونيالاردا 1 861 پەدوفيل جازاسىن وتەپ جاتىر، دەپ حابارلايدى «ادىرنا» ۇلتتىق پورتالى «ەۋرازيا» ءبىرىنشى ارناسىنا سىلتەمە جاساپ.

قۇقىقتىق ستاتيستيكا كوميتەتىنىڭ مالىمەتىنشە، 2021 جىلى كامەلەتكە تولماعان قازاقستاندىقتارعا قارسى قۇقىق بۇزۋشىلىقتار سانى ءوستى. پەدوفيلدەردىڭ ارەكەتىنەن قاڭتاردان ساۋىرگە دەيىن 1 000 ءبۇلدىرشىن زارداپ شەككەن. ولاردى زورلاپ، ازعىرىپ، وزىنە قول جۇمساۋعا يتەرمەلەگەن.

«كەيىنگى بەس جىلدا ەلىمىزدە بالالارعا قاتىستى 3 893 زورلىق دەرەگى تىركەلگەن. 2016 جىلمەن سالىستىرعاندا 2020 جىلى كامەلەتكە تولماعانداردى زورلاۋ 45,8 پايىزعا وسكەن. قىلمىستىق-اتقارۋ ورگاندارىنىڭ ورنىنا پروباتسيا قىزمەتى قۇرىلدى، ونىڭ نەگىزگى مىندەتى - سوتتالعان ادامدى تۇزەۋ جانە قايتا تاربيەلەۋ بولعان. بىراق ولار ءالى بۇرىنعىداي جۇمىس ىستەپ ءجۇر. بۇل ىستە رەسميلىك كوپ»، - دەيدى ءماجىلىس دەپۋتاتى باقىتبەك سماعۇل.

«بوستاندىققا شىققان قىلمىسكەرلەرگە قاتىستى زاڭدى قاداعالاۋشى بەكىتىلەدى، وعان سوتتىڭ شەشىمىمەن بەس جىل مەن سەگىز جىل ارالىعىنداعى ۋاقىت بەرىلەدى. ولار قۇقىققورعاۋ ورگاندارىنىڭ باقىلاۋىندا بولادى»، - دەيدى قر ءىىم قىلمىستىق-اتقارۋ جۇيەسى كوميتەتىنىڭ سوتتالعاندار اراسىنداعى تاربيە جانە الەۋمەتتىك-پسيحولوگيالىق جۇمىس باسقارماسىنىڭ باستىعى بيبىگۇل مۇڭايتپاسوۆا.

ال سەكسولوگ يرينا كيم پەدوفيلدىڭ وزگەرۋى مۇمكىن ەمەس ەكەنىن ايتادى.

«شىنايى جانە جالعان پەدوفيليا بار. جالعانى ەشقالاي ەمدەلمەيدى، ونى ەشكىم ۇستاپ قالا المايدى. ونى ەمدەۋ ەكىتالاي، سەبەبى ول پسيحوپاتولوگيا. ادامداردى وسىنداي پارافيليادان قورعاپ قالۋدىڭ جالعىز جولى - حيميالىق كاستراتسيا»، - دەيدى يرينا كيم.

بيىل بوستاندىققا شىققان 50 پەدوفيلدىڭ قانشاۋىنا حيميالىق كاستراتسيا جاسالعانى ازىرگە بەلگىسىز.

"ادىرنا" ۇلتتىق پورتالى

پىكىرلەر