«اق جول»: ۇبت تاپسىرۋ كەزىندە بالالار قاشىقتىقتان وقىتۋداعى ولقىلىقتار ءۇشىن زارداپ شەكپەۋى كەرەك

1711
Adyrna.kz Telegram
Finger clicking on a tablet with multiple-choice questions
Finger clicking on a tablet with multiple-choice questions

«اق جول»: ۇبت تاپسىرۋ كەزىندە بالالار قاشىقتىقتان وقىتۋداعى ولقىلىقتار ءۇشىن زارداپ شەكپەۋى كەرەك. ءتيىستى دەپۋتاتتىق ساۋالدى دەپۋتات سەرىك ەرۋاباەۆ ءماجىلىستىڭ جالپى وتىرىسىندا جولدادى.

قر پرەمەر-ءمينيسترىنىڭ ورىنباسارى

ە.ل.توعجانوۆقا

اعىمداعى جىلى مەكتەپ تۇلەكتەرى ۇلتتىق بىرىڭعاي تەستىنى جاڭا فورماتتا تاپسىرۋدا. بەينەكامەرالاردى ورناتۋ جانە "پروكتورينگ"                       جۇيەسىنىڭ ارقاسىندا ءبىلىم مينيسترلىگى تەستىلەۋ پروتسەسىن اشىق تۇردە وتكىزۋدە.

سونىمەن قاتار، بيىل تۇلەكتەر قاجەت بولعان جاعدايدا تەستىنى قايتا تاپسىرۋعا مۇمكىندىك الدى.

مۇنىڭ ءبارى جاقسى جانە دۇرىس شارالار، بىراق اتا-انالار ۇبت-نى قايتا تاپسىرۋ مەرزىمىنىڭ بەلگىسىزدىگىنە بايلانىستى دەپۋتاتتارعا جۇگىندى.

بەلگىلى بولعانداي، بۇل مەرزىم ءنورماتيۆتى تۇردە انىقتالماعان، تەك اۋىزشا تامىز ايىنىڭ سوڭى دەپ اتالدى.

وتكەن وقۋ جىلى قاشىقتىقتان وقىتۋ جانە وسىعان بايلانىستى سترەسستىك جاعدايلار، تۇلەكتەر كورسەتكىشتەرىنىڭ ناشارلاۋىنا ىقپال ەتكەنىن اتاپ وتكەن ءجون.

مىسالى، تەك 15 ماۋسىمداعى تەستىلەۋدە 160 مىڭعا جۋىق تەستىلەنۋشىنىڭ 60 مىڭنان استامى نەمەسە 40% پايىزى شەكتى ەڭسەرە الماعان، ال 1200-گە جۋىق تۇلەك تەستىلەۋگە مۇلدەم جىبەرىلمەگەن.

سونىمەن بىرگە، كوللەدج تۇلەكتەرى مەن ۇبت-نى تاپسىرعىسى كەلەتىن باسقا دا تالاپكەرلەر تۇرعىلىقتى جەرى بويىنشا تەستىلەۋ ورتالىقتارىنداعى ورىنداردىڭ تاپشىلىعىنا بايلانىستى قيىندىقتارعا تاپ بولادى.

بۇل بالالاردىڭ كوپشىلىگى مەكتەپتە جاقسى كورسەتكىشتەرگە يە بولدى جانە تەستتىڭ ناشار ناتيجەلەرىن وتە اۋىر قابىلدادى. وتباسىلاردىڭ كوپشىلىگى مەملەكەتتىك ورگانداردى، قاشىقتىقتان وقىتۋدىڭ تومەن ساپاسىن كىنالاپ، نارازالىق بىلدىرۋدە.

مۇنداي شاعىمدار ءۇشىن وبەكتيۆتى نەگىزدەر بار ەكەنىن مويىنداۋ كەرەك.

سونىمەن قاتار، كوپتەگەن اتا-انالار بالالارىنىڭ وسى العاشقى ۇلكەن ساتسىزدىككە رەاكتسياسى تۋرالى الاڭداۋشىلىق بىلدىرۋدە. كەشەگى ءساتتى جانە ۇمىتكە تولى تۇلەكتەر، ەموتسيونالدى كۇيزەلىستى سەزىنەدى، اتا-انالارى مەن تابىستى سىنىپتاستارىنىڭ الدىندا ۇياتقا قالۋدا.

وتكەن جىلداردىڭ ستاتيستيكاسىنا سۇيەنسەك، قانشا تۇلەك سترەسسكە توتەپ بەرە الماي، توتەنشە شارالارعا باردى. قۇداي ساقتاسىن ودان.

سونىمەن بىرگە، بۇل بالالار قىلمىسكەر ەمەس جانە قوعام الدىندا ەشقانداي كىنالى ەمەس.

لايىقتى ءبىلىم الۋعا جانە ومىردە جەتىستىككە جەتۋگە دەگەن نيەتتەرى بار جاستارىمىزدى تاباندىلىقپەن جىگەرلەندىرگەن دۇرىس بولار ەدى.

تاريحتا العاشقى ەمتيحاندى ءساتسىز اياقتاعان، بىراق ومىردە ۇلكەن بيىكتەرگە جەتكەن تابىستى مەملەكەت قايراتكەرلەرى مەن كاسىپكەرلەردىڭ كوپتەگەن مىسالدارى بار. ايتا كەتسەك، الەمدەگى ەڭ باي ادامداردىڭ ءبىرى "الي بابا" دۇنيەجۇزىلىك ساۋدا ينتەرنەت جۇيەسىن جاساۋشى دجەك ما - 10 رەت (!) ۋنيۆەرسيتەتكە ءتۇسۋ ەمتيحاندارىن تاپسىرا الماپتى.

ال ۇلى عالىم، سالىستىرمالىق تەورياسىنىڭ اۆتورى البەرت ەينشتەين، مەكتەپتە توپاس وقۋشى دەپ ەسەپتەلگەن.

ءيا، كەيبىر بالالاردىڭ تالانتىن، كوپشىلىك جۇرە بارا بايقايدى. الىسقا بارماي-اق، ءوز ماقتانىشىمىز ديماش قۇدايبەرگەن دە سوعان ايقىن دالەل.

سوندىقتان ءبىزدىڭ تۇلەكتەرىمىزدىڭ الدىندا ەسىك جابۋدىڭ قاجەتى جوق. ولاردىڭ اراسىندا بولاشاق عۇلامالار مەن ايگىلى ازاماتتار بار بولۋى مۇمكىن.

سونىمەن قاتار، ەگەر ۇبت-نى قايتا تاپسىرۋ تامىز ايىنا تاعايىندالسا، ول تالاپكەرلەردى جازعى دەمالىستان ايىرادى. كۇش پەن ەموتسيانى قالپىنا كەلتىرۋدىڭ ورنىنا، ولار بارلىق جاز ايلارىندا وقۋلىقتاردى بۇرمالاپ، تاپسىرمالاردى ورىندايدى.

كەيبىر وتباسىلار ەلدەگى جاعدايدىڭ جاقسارۋىن پايدالانىپ، جازعى دەمالىسقا جولداما ساتىپ الدى. ەندى ولاردىڭ بالالارى بەلگىسىزدىككە تاپ بولادى، سوندىقتان اتا-انالار ولاردى وسىنداي كوڭىل-كۇيدە جالعىز قالدىرۋعا باتا الماي، دەمالىستان باس تارتۋعا ءماجبۇر بولادى.

كوپتەگەن شەتەلدىك جوعارى وقۋ ورىندارى ءبىزدىڭ تۇلەكتەرىمىزدى ۇبت-سىز، ءوز ەرەجەلەرى بويىنشا قابىلدايتىنىن دا ەسكەرۋ قاجەت. قايتا تاپسىرۋدىڭ الشاقتاۋىنىڭ اسەرى، كەيبىر تالاپكەرلەردىڭ قىتاي، لاتۆيا، چەحيا، ۆەنگريا، ۋكراينا جانە تاعى باسقا ەلدەردىڭ ۋنيۆەرسيتەتتەرىنە تۇسۋگە ماجبۇرلەيدى. رەسەيدىڭ بىرقاتار جوعارى وقۋ ورىندارى جىلدىڭ باسىنان، ەڭ جاقسى وقۋشىلاردى شاقىرا باستادى، سول سەبەپتى مىڭداعان دارىندى بالالار قازاقستاننان ۇبت-عا دەيىن كەتەدى.

وسىلايشا، ءبىز ۇبت-نى قايتا تاپسىرۋدىڭ كەشىكتىرۋى ەشتەڭەمەن نەگىزدەلمەگەن جانە ايقىن تاۋەكەلدەرگە الىپ كەلەدى دەپ ەسەپتەيمىز.

وسىعان بايلانىستى، قۇرمەتتى ەرالى لۇقپانۇلى، سىزدەن شۇعىل تۇردە ءبىلىم مينيسترلىگىنە قايتا تەستىلەۋدى قىسقا ۋاقىت ىشىندە  ۇيىمداستىرۋدى جانە وسى ماسەلەنى جەكە باقىلاۋعا الۋدى تاپسىرۋىڭىزدى سۇرايمىز.

 

قۇرمەتپەن،

«اق جول» فراكتسياسىنىڭ دەپۋتاتتارى

پىكىرلەر