پەداگوگيكالىق ماماندىقتارعا ءتۇسۋ ءۇشىن شەكتى بالل كوتەرىلدى

2853
Adyrna.kz Telegram

ءبىلىم جانە عىلىم مينيسترلىگى پەداگوگتەردىڭ ساپالىق قۇرامىن ارتتىرۋ بويىنشا شارالار قابىلدادى. پەداگوگيكالىق ماماندىقتارعا ءتۇسۋ ءۇشىن شەكتى بالل 50-دەن 75 بالعا دەيىن كوتەرىلدى، دەپ حابارلايدى «ادىرنا» ءتىلشىسى بعم ءباسپاسوز قىزمەتىنە سىلتەمە جاساپ.

2020 جىلدان باستاپ پەداگوگيكا ماماندىعىنىڭ تۇلەكتەرى پەداگوگ-مودەراتور بىلىكتىلىگىن الا الادى. ول ءۇشىن ۇلتتىق بىلىكتىلىك تەستىلەۋدەن ءوتىپ، ءوز داعدىلارىن كورسەتۋ كەرەك. سونىمەن قاتار بىلىكتىلىك ساناتتارىن راستايتىن پەداگوگتەر جالاقىنىڭ 30%-دان 50%-عا دەيىنگى مولشەرىندە قوسىمشا اقى الاتىن بولادى.

2021 جىلدان باستاپ ديپلومعا قوسىمشا پەداگوگيكالىق ماماندىق تۇلەكتەرىنىڭ مىندەتتى تۇردە بىلىكتىلىك الۋى ەنگىزىلەدى. ولار كاسىبي شەبەرلىك بويىنشا سەرتيفيكاتتاۋدان ءوتۋى كەرەك. سونداي-اق العاش رەت مەكتەپكە دەيىنگى ءبىلىم بەرۋ پەداگوگتەرىن اتتەستاتتاۋ ەنگىزىلدى، ءبىلىم بەرۋ ۇيىمدارىنىڭ ديرەكتورلارى مەن بالاباقشا مەڭگەرۋشىلەرىن تاعايىنداۋ ءتارتىبى وزگەردى.

«ادىرنا» ۇلتتىق پورتالى

پىكىرلەر