Bilim jáne ǵylym mınıstrligi pedagogterdiń sapalyq quramyn arttyrý boıynsha sharalar qabyldady. Pedagogıkalyq mamandyqtarǵa túsý úshin shekti ball 50-den 75 balǵa deıin kóterildi, dep habarlaıdy «Adyrna» tilshisi BǴM baspasóz qyzmetine silteme jasap.
2020 jyldan bastap pedagogıka mamandyǵynyń túlekteri pedagog-moderator biliktiligin ala alady. Ol úshin Ulttyq biliktilik testileýden ótip, óz daǵdylaryn kórsetý kerek. Sonymen qatar biliktilik sanattaryn rastaıtyn pedagogter jalaqynyń 30%-dan 50%-ǵa deıingi mólsherinde qosymsha aqy alatyn bolady.
2021 jyldan bastap dıplomǵa qosymsha pedagogıkalyq mamandyq túlekteriniń mindetti túrde biliktilik alýy engiziledi. Olar kásibı sheberlik boıynsha sertıfıkattaýdan ótýi kerek. Sondaı-aq alǵash ret mektepke deıingi bilim berý pedagogterin attestattaý engizildi, bilim berý uıymdarynyń dırektorlary men balabaqsha meńgerýshilerin taǵaıyndaý tártibi ózgerdi.
«Adyrna» ulttyq portaly
