شىمكەنتتە جىل باسىنان بەرى مەملەكەتتىك تۇرعىن ءۇي قورىنان بەرىلگەن 83 پاتەر جەكەشەلەندىرىلدى

2702
Adyrna.kz Telegram

شىمكەنت قالاسىندا جىل باسىنان بەرى تۇرعىن ءۇيدى جەكەشەلەندىرۋ بويىنشا ەلەكتروندى تۇردە 108 ازامات قۇجات تاپسىرعان. ونىڭ ىشىندە 83 ازاماتتىڭ ءوتىنىشى قاناعاتتاندىرىلىپ، پاتەرلەرى جەكە مەنشىگىنە وتكىزىلدى. قازىرگى تاڭدا قالعان ازاماتتار بويىنشا جەكەشەلەندىرۋ جۇمىستارى جۇرگىزىلۋدە.

جەكەشەلەندىرىلىپ جاتقان پاتەرلەر «نۇرلى جەر» مەملەكەتتىك باعدارلاماسى قولدانىسقا ەنگىزىلگەنگە دەيىنگى باسپانالار بولىپ تابىلادى. ال، «نۇرلى جەر» باعدارلاماسى 2016 جىلى قولدانىسقا ەنگىزىلگەن.

مەملەكەتتىك تۇرعىن ءۇي قورىنان بەرىلەتىن تۇرعىن ۇيلەردى جەكەشەلەندىرۋ قر «تۇرعىن ءۇي قاتىناستارى تۋرالى» زاڭىنا، «مەملەكەتتىك تۇرعىن ءۇي قورىنان بەرىلەتىن تۇرعىن ۇيلەردى جەكەشەلەندىرۋ قاعيداسىنا» جانە قر ۇلتتىق ەكونوميكا مينيسترلىگىنىڭ «مەملەكەتتىك تۇرعىن ءۇي قورىنان بەرىلەتىن تۇرعىن ۇيلەردى جەكەشەلەندىرۋ» مەملەكەتتىك كورسەتىلەتىن قىزمەت ستاندارتىنا سايكەس جۇزەگە اسىرىلادى.

2020 جىلدان باستاپ مەملەكەتتىك تۇرعىن ءۇي قورىنان بەرىلەتىن ۇيلەردى جەكەشەلەندىرۋ www.egov.kz «ەلەكتروندىق ۇكىمەت» ۆەب-پورتالى ارقىلى جۇزەگە اسىرىلۋدا. اتالعان قىزمەتتى الۋ ءۇشىن ازاماتتىڭ جانە ونىڭ كامەلەتكە تولعان وتباسى مۇشەلەرىنىڭ (ەتسق) ەلەكتروندىق تسيفرلىق قولتاڭباسى بولۋ ءتيىس.
2019 جىلى 188 ازاماتتىڭ مەملەكەتتىك تۇرعىن ءۇي قورىنان بەرىلگەن پاتەرلەرى جەكە مەنشىكتەرىنە وتكىزىلدى. ال 2020 جىلى بۇل قىزمەتتى العان ازاماتتار سانى 102-ءنى قۇراعان.

ايتا كەتەرلىك جايت، «نۇرلى جەر» مەملەكەتتىك باعدارلاماسى اياسىندا قۇرىلىسى جۇرگىزىلىپ پايدالانۋعا تاپسىرىلعان ارەندالىق تۇرعىن ۇيلەر باعدارلاما تالاپتارىنا سايكەس، ساتىپ الۋ قۇقىعىنسىز جالداۋ شارتى نەگىزىندە بەرىلگەن. سوندىقتان اتالعان باعدارلاما اياسىندا ازاماتتارعا جالعا بەرىلگەن پاتەرلەر جەكە مەنشىككە بەرىلمەيتىندىگىن نازارلارىڭىزعا سالامىز.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر