Shymkentte jyl basynan beri memlekettik turǵyn úı qorynan berilgen 83 páter jekeshelendirildi

2704
Adyrna.kz Telegram

Shymkent qalasynda jyl basynan beri turǵyn úıdi jekeshelendirý boıynsha elektrondy túrde 108 azamat qujat tapsyrǵan. Onyń ishinde 83 azamattyń ótinishi qanaǵattandyrylyp, páterleri jeke menshigine ótkizildi. Qazirgi tańda qalǵan azamattar boıynsha jekeshelendirý jumystary júrgizilýde.

Jekeshelendirilip jatqan páterler «Nurly jer» memlekettik baǵdarlamasy qoldanysqa engizilgenge deıingi baspanalar bolyp tabylady. Al, «Nurly jer» baǵdarlamasy 2016 jyly qoldanysqa engizilgen.

Memlekettik turǵyn úı qorynan beriletin turǵyn úılerdi jekeshelendirý QR «Turǵyn úı qatynastary týraly» Zańyna, «Memlekettik turǵyn úı qorynan beriletin turǵyn úılerdi jekeshelendirý qaǵıdasyna» jáne QR Ulttyq ekonomıka mınıstrliginiń «Memlekettik turǵyn úı qorynan beriletin turǵyn úılerdi jekeshelendirý» memlekettik kórsetiletin qyzmet standartyna sáıkes júzege asyrylady.

2020 jyldan bastap memlekettik turǵyn úı qorynan beriletin úılerdi jekeshelendirý www.egov.kz «elektrondyq úkimet» veb-portaly arqyly júzege asyrylýda. Atalǵan qyzmetti alý úshin azamattyń jáne onyń kámeletke tolǵan otbasy músheleriniń (EQ) elektrondyq ıfrlyq qoltańbasy bolý tıis.
2019 jyly 188 azamattyń memlekettik turǵyn úı qorynan berilgen páterleri jeke menshikterine ótkizildi. Al 2020 jyly bul qyzmetti alǵan azamattar sany 102-ni quraǵan.

Aıta keterlik jaıt, «Nurly jer» memlekettik baǵdarlamasy aıasynda qurylysy júrgizilip paıdalanýǵa tapsyrylǵan arendalyq turǵyn úıler baǵdarlama talaptaryna sáıkes, satyp alý quqyǵynsyz jaldaý sharty negizinde berilgen. Sondyqtan atalǵan baǵdarlama aıasynda azamattarǵa jalǵa berilgen páterler jeke menshikke berilmeıtindigin nazarlaryńyzǵa salamyz.

Shymkent qalasy ákimdiginiń baspasóz qyzmeti

Pikirler