بيىلعى 24 مامىردا «كازاحستانسكايا پراۆدا» گازەتىندە جاريالانعان «زالوجنيكي راۆنودۋشيا» اتتى ماقالادا كوتەرىلگەن ماسەلە بويىنشا تەكسەرۋ جۇمىستارى جۇرگىزىلىپ، كەلتىرىلگەن دەرەكتەر راستالدى. سولتۇستىك قازاقستان وبلىسى اكىمىنىڭ ورىنباسارى، جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ جونىندەگى وبلىستىق باسقارمانىڭ باسشىسى، سونداي-اق بەس اۋداننىڭ اكىمدەرى تارتىپتىك جاۋاپكەرشىلىككە تارتىلدى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي Facebook جەلىسىندەگى پاراقشاسىندا جازدى، دەپ حابارلايدى «ادىرنا» ۇلتتىق پورتالى.
«مەملەكەت باسشىسى بيىلعى 24 مامىردا «كازاحستانسكايا پراۆدا» گازەتىندە جاريالانعان «زالوجنيكي راۆنودۋشيا» اتتى ماقالادا كوتەرىلگەن ماسەلە بويىنشا تەكسەرۋ جۇمىستارىن جۇرگىزۋگە تاپسىرما بەرگەن ەدى. ماقالادا سولتۇستىك قازاقستان وبلىسىنا وڭتۇستىك وڭىرلەردەن كوشىپ كەلۋشىلەرگە ارناپ سالىنعان تۇرعىن ءۇي ساپاسىنىڭ ناشارلىعى تۋرالى ءسوز بولعان.
جۇرگىزىلگەن تەكسەرۋلەردىڭ قورىتىندىسى بويىنشا ماقالادا كەلتىرىلگەن دەرەكتەر راستالدى.
ۇكىمەت پەن وبلىس اكىمدىگى انىقتالعان كەمشىلىكتەردى جويۋ جۇمىستارىمەن اينالىسۋدا.
اتالعان باعىتتاعى ۇيىمداستىرۋ جۇمىستارىندا ولقىلىقتارعا جول بەرگەنى ءۇشىن سولتۇستىك قازاقستان وبلىسى ايىرتاۋ جانە ەسىل اۋداندارىنىڭ اكىمدەرى قىزمەتتەرىنەن بوساتىلدى.
وبلىس اكىمىنىڭ ورىنباسارى، جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ جونىندەگى وبلىستىق باسقارمانىڭ باسشىسى، سونداي-اق بەس اۋداننىڭ اكىمدەرى تارتىپتىك جاۋاپكەرشىلىككە تارتىلدى»، - دەپ جازدى ول.
"ادىرنا" ۇلتتىق پورتالى
