Turǵyn úı sapasynyń nasharlyǵy: ákimder qyzmetinen ketti

2291
Adyrna.kz Telegram

Bıylǵy 24 mamyrda «Kazahstanskaıa pravda» gazetinde jarııalanǵan «Zalojnıkı ravnodýshııa» atty maqalada kóterilgen másele boıynsha tekserý jumystary júrgizilip, keltirilgen derekter rastaldy. Soltústik Qazaqstan oblysy ákiminiń orynbasary, jumyspen qamtý jáne áleýmettik baǵdarlamalardy úılestirý jónindegi oblystyq basqarmanyń basshysy, sondaı-aq bes aýdannyń ákimderi tártiptik jaýapkershilikke tartyldy. Bul týraly Prezıdenttiń baspasóz hatshysy Berik Ýálı Facebook jelisindegi paraqshasynda jazdy, dep habarlaıdy «Adyrna» ulttyq portaly.  

«Memleket basshysy bıylǵy 24 mamyrda «Kazahstanskaıa pravda» gazetinde jarııalanǵan «Zalojnıkı ravnodýshııa» atty maqalada kóterilgen másele boıynsha tekserý jumystaryn júrgizýge tapsyrma bergen edi. Maqalada Soltústik Qazaqstan oblysyna ońtústik óńirlerden kóship kelýshilerge arnap salynǵan turǵyn úı sapasynyń nasharlyǵy týraly sóz bolǵan.

Júrgizilgen tekserýlerdiń qorytyndysy boıynsha maqalada keltirilgen derekter rastaldy.

Úkimet pen oblys ákimdigi anyqtalǵan kemshilikterdi joıý jumystarymen aınalysýda.

Atalǵan baǵyttaǵy uıymdastyrý jumystarynda olqylyqtarǵa jol bergeni úshin Soltústik Qazaqstan oblysy Aıyrtaý jáne Esil aýdandarynyń ákimderi qyzmetterinen bosatyldy.

Oblys ákiminiń orynbasary, jumyspen qamtý jáne áleýmettik baǵdarlamalardy úılestirý jónindegi oblystyq basqarmanyń basshysy, sondaı-aq bes aýdannyń ákimderi tártiptik jaýapkershilikke tartyldy», - dep jazdy ol.

"Adyrna" ulttyq portaly

Pikirler