شارۋالاردى قۋاڭشىلىق الاڭداتىپ وتىر

3205
Adyrna.kz Telegram

بيىل اقتوبەلىك شارۋالار ەلدەگى قۋاڭشىلىققا قاتتى الاڭداپ وتىر. سەبەبى وسىلاي جاۋىن-شاشىن بولماي، جالعاسا بەرسە، كۇزدە ءشوپ شىقپاي قالۋ قاۋپى بار. ال بۇل اۋىلداعى شارۋاشىلىقتارعا قيىن سوققالى تۇر دەپ حابارلايدى "ادىرنا" ۇلتتىق پورتالىنىڭ ءتىلشىسى. 

بۇعان دەيىن ءباسپاسوز بەتتەرىندە جازىلعانداي، بيىل ەلىمىزدىڭ كوپ بولىگىندە قۋاڭشىلىق بولىپ تۇر. سول سەبەپتى بىرقاتار ايماقتاردا مال اشتان قىرىلىپ، تۇرعىندار دابىل قاعۋدا.

وتكەن اپتادا وبلىس اكىمىنىڭ توراعالىعىمەن وتكەن جيىندا وڭىردە مال ازىعىن دايىنداۋ ماسەلەسى قارالىپ، ءتيىستى مەكەمەلەرگە تاپسىرما بەرىلگەنى بەلگىلى. دەگەنمەن جەكە شارۋالار الداعى ءشوپ شابۋ ناۋقانىنىڭ ويداعىداي وتەتىنىنە الاڭداۋشىلىق تانىتۋدا. سونداي-اق وبلىستىڭ بىرقاتار اۋداندارىندا ءىرى قارا اراسىندا شاڭ-توزاڭنىڭ كوبەيۋىنە بايلانىستى كوز اۋرۋى بەلەڭ الۋدا.

ۆەتەرينار-ماماندار بارىنشا اۋرۋدىڭ الدىن الۋ جانە ونى جويۋعا ەڭبەكتەنىپ جاتقانىن ايتادى. دەگەنمەن اۋىلداردا ءدارى-دارمەك جەتىسپەۋشىلىگى بايقالادى.

بيىل اقتوبە وبلىسىندا 10,6 مىڭ گەكتاردان اسا سۋارمالى جەردى قالپىنا كەلتىرۋ جۇمىستارى جۇرگىزىلىپ جاتىر. ونىڭ 4,5 مىڭ گەكتارى بيىل پايدالانۋعا بەرىلمەك. قازىر وبلىستا ەگىن ەگۋ ناۋقانى اياقتالدى. جالپى كولەمى 800 مىڭداي جەرگە ەگىن ەگىلگەن.

سونداي-اق بيىلعى جىلى جوسپارعا سايكەس وڭىردەگى اۋىل شارۋاشىلىعى سالاسىندا 2,6 ملن توننادان استام مال ازىعىن، ياعني ءبىر جارىم جىلدىق قور جاساقتالۋى ءتيىس. قازىر وسى باعىتتا شارۋاشىلىقتار ەڭبەك ەتۋدە.

 

"ادىرنا" ۇلتتىق پورتالى.

پىكىرلەر