كوروناۆيرۋسقا قارسى ۆاكتسينانىڭ 60 ميلليون دوزاسى جويىلماق

1511
Adyrna.kz Telegram

اقش-تا بالتيمور زاۋىتىنداعى قاتەلىككە بايلانىستى كوروناۆيرۋسقا قارسى ۆاكتسينانىڭ 60 ميلليون دوزاسى جويىلادى، دەپ حابارلايدى «ادىرنا» ءتىلشىسى.

ەلدىڭ ازىق-تۇلىك جانە ءدارى-دارمەكتەر باسقارماسى (FDA) Johnson & Johnson ۆاكتسيناسىنىڭ قولدانۋعا جارامسىز ەكەنىن مالىمدەدى. ۇيىمنىڭ بۇيرىعىمەن Emergent BioSolutions كومپانياسى ونى شىعارۋدى توقتاتتى. ويتكەنى پرەپاراتتىڭ كومپونەنتتەرى AstraZeneca ۆاكتسيناسىمەن كەزدەيسوق ارالاسىپ كەتكەن.

ايتا كەتەيىك، قازىرگى تاڭدا FDA بالتيموردا شىعارىلعان AstraZeneca-نىڭ ميلليونداعان دوزاسىن تەكسەرىپ جاتىر.

«ادىرنا» ۇلتتىق پورتالى

پىكىرلەر