استانا LRT ءىسى بويىنشا سوتتالعانداردىڭ ءتىزىمى جاريالاندى.
("جەتى شەلپەك" تاراتقانداي بولىپتى!)
ۇزاق جىلدار بويى داۋ تۋدىرىپ، ەلوردانىڭ جەمقورلىق سيمۆولىنا اينالىپ ۇلگەرگەن استانا LRT ءىسى بويىنشا ايىپتالعان ازاماتتارعا سوت ۇكىمى شىقتى. بۇل تىزىمگە تومەندەگى اتالعان ازاماتتار ەندى:
1) استانانىڭ جولاۋشىلار كولىگى جانە اۆتوموبيل جولدارى ءبولىمىنىڭ بۇرىنعى باستىعى راشيد امانجۋلوۆتى 10 جىلعا باس بوستاندىعىنان ايىرۋ (پروكۋراتۋرا مۇلكىن تاركىلەۋمەن، قاتاڭ رەجيمدەگى كولونيادا 11 جىل وتەۋدى سۇرادى);
2) بۇرىنعى دەپۋتات جانە ءماسليحات حاتشىسى نۇر-سۇلتان جانات نۇرپەيىسوۆ 8 جىلعا باس بوستاندىعىنان ايىرىلدى (ايىپتاۋشى تاراپ مۇلكىن تاركىلەي وتىرىپ، 9 جىل ورتاشا قاۋىپسىز كولونيادا وتەۋدى سۇرادى);
3) «نۇرترەيد» جشس-ءنىڭ ەكس-ديرەكتورى (قوسالقى مەردىگەر «استانا LRT») ۇلىقبەك اچيلوۆتى 8 جىلعا باس بوستاندىعىنان ايىرۋ (ايىپتاۋشى تاراپ مۇلكىن تاركىلەۋمەن 11 جىل باس بوستاندىعىنان ايىرۋدى سۇرادى);
4) مەردىگەردىڭ وكىلى داۋرەن ابدىحاميتوۆ - باسقا ادامدارعا تيەسىلى، زاڭسىز جولمەن الىنعان مۇلكىن تاركىلەۋمەن 8 جىلعا باس بوستاندىعىنان ايىرۋ (ايىپتاۋشى تاراپ مۇلكىن تاركىلەۋمەن 11 جىل باس بوستاندىعىنان ايىرۋدى سۇرادى);
5) مەردىگەردىڭ وكىلى تيمۋر كاساباەۆ - 8 جىلعا باس بوستاندىعىنان ايىرۋ (ايىپتاۋشى تاراپ سول سومانى سۇرادى);
6) Astana Innovations كەڭەسىنىڭ ەكس-توراعاسى تالعات ءاشىم - 7 جىلعا باس بوستاندىعىنان ايىرۋ (ايىپتاۋشى 8 جىلعا باس بوستاندىعىنان ايىرۋدى سۇرادى)
7) مەردىگەردىڭ وكىلى دۋلات مۋسەنوۆ - 7 جىلعا باس بوستاندىعىنان ايىرۋ (ايىپتاۋشى تاراپ وسىنداي جازانى سۇرادى).
ەندى مەندە ءبىر سۇراق بار.
بۇل اتالعان ادامدار كىمدەر؟
ولاردىڭ اراسىندا ءوز ۋاقىتىنا قىزمەت ەتكەر اكىمدەر مەن شەنەۋنىكتەر قايدا؟
«قالالىق كولىك جۇيەلەرى» جشس (بۇرىنعى «استانا LRT» جشس) باسشىلارى قايدا ؟
"ادىرنا" ۇلتتىق پورتالى
