ۋكراينا اسكەري جاعداي رەجيمىن 90 كۇنگە ۇزارتتى

1173
Adyrna.kz Telegram
فوتو: president.gov.ua
فوتو: president.gov.ua

ۋكراينا پرەزيدەنتى ۆلاديمير زەلەنسكي ەلدە اسكەري جاعداي رەجيمى مەن جالپى موبيليزاتسيا مەرزىمىن 90 كۇنگە – 9 مامىردان 6 تامىزعا دەيىن ۇزارتۋ تۋرالى زاڭعا قول قويدى. بۇل تۋرالى بۇگىن ۋكراينالىق باق زاڭ جوبالارىنا (№13172 جانە №13173) سىلتەمە جاساپ جاريالادى، دەپ حابارلايدى “ادىرنا” ۇلتتىق پورتالى.

«ربك-ۋكراينا» ونلاين-باسىلىمى ەسكە سالعانداي، رەسەي سوعىستى باستاعالى بەرى ۋكراينادا اسكەري جاعداي مەرزىمى 15-رەت ۇزارتىلىپ وتىر. ءتيىستى زاڭ جوبالارىن زەلەنسكي جوعارعى راداعا 15 ساۋىردە جولداعان. ال كەلەسى كۇنى، 16 ساۋىردە، پارلامەنت ولاردى قابىلدادى.

اسكەري جاعداي رەجيمى ۋكراينا بيلىگىنە بىرقاتار شەكتەۋلەر ەنگىزۋگە مۇمكىندىك بەرەدى.

«ونىڭ ارەكەتى كەزىندە ەل ىشىندە ەركىن ءجۇرىپ-تۇرۋعا جانە كولىك قوزعالىسىنا – ۋكراينا ازاماتتارىنا دا، شەتەلدىكتەرگە دە – شەكتەۋ قويىلۋى مۇمكىن»، – دەپ جازادى «ربك-ۋكراينا».    

سونىمەن قاتار، مەملەكەت بەلگىلى ءبىر ساناتتاعى ازاماتتار ءۇشىن ەڭبەك مىندەتكەرلىگىن نەمەسە قوعامدىق پايدالى جۇمىستاردى ەنگىزە الادى. اسكەر قاجەتتىلىگى ءۇشىن مۇلىكتى ماجبۇرلەپ تارتىپ الۋعا دا رۇقسات بەرىلەدى.

بۇدان بولەك، اسكەري جاعداي كەزەڭىندە ەلدە ۋكراينانىڭ ەگەمەندىگىنە قاۋىپ توندىرەتىن ساياسي پارتيالاردىڭ قىزمەتىنە تىيىم سالۋ، ميتينگىلەر مەن جاپپاي شارالار وتكىزۋگە شەكتەۋ قويۋ قاراستىرىلعان.

اسكەري جاعداي رەجيمىنىڭ كۇشىندە بولۋىنا بايلانىستى ۋكراينادا 2024 جىلعا جوسپارلانعان پرەزيدەنت سايلاۋى وتكىزىلگەن جوق.

Реклама
  • ИП Попов А.П.
  • ИНН: 602715631406
Онколог: "Папилломы на шее и в подмышках означают раннюю стадию…
Реклама
  • ИП Попов А.П.
  • ИНН: 602715631406
1 чайная ложка на ночь и все - потенция сильнее, чем в 20 лет
Реклама
  • ИП Попов А.П.
  • ИНН: 602715631406
Танец выпускников взорвал интернет: Смотреть до конца!
پىكىرلەر