الماتىدا ۇبت تاپسىرۋعا بارعان تۇلەك بەتپەردە ىشىنە شپارگالكا تىعىپ اپارعان دەپ حابارلايدى "ادىرنا" ۇلتتىق پورتالى.
بۇل تۋرالى قر ءبىلىم جانە عىلىم ءمينيسترىنىڭ شتاتتان تىس كەڭەسشىسى ديدار سماعۇلوۆ ءوزىنىڭ Facebook پاراقشاسىندا جازدى.
"مۇنداي جاعدايلار بولىپ تۇرادى. كوپشىلىك بەتپەردەنىڭ ىشىنە جاسىرىپ، شپارگالكا اپارۋ تۋرالى ءجيى ازىلدەسەتىن. مىنە، ءوزىمىزدىڭ ارامىزدا دا بولىپ جاتىر، -دەپ اتاپ ءوتتى ديدار سماعۇلوۆ.
ءيا، ءبىز بۇل تۇلەكتىڭ تاپقىرلىعىنا قۇرمەت كورسەتۋىمىز كەرەك. بەتپەردەگە "پاراق" سالىپ اپارۋ ءۇشىن دە جۇرەك كەرەك.
ايتا كەتۋ كەرەك، ديدار سماعۇلوۆ بۇعان دەيىن ۇبت كەزىندە تۇركىستان وبلىسى، تەمىرلان اۋىلىندا تۇلەكتەردىڭ ءبىرى بۇرىن-سوڭدى بولماعان جەتىستىك كورسەتكەنىن اتاپ ءوتتى. ول ءبىرىنشى ەمتيحاندى 37 ۇپايمەن تاپسىرسا، ەكىنشىسىندە 121 بالل جيناعان. ناتيجەسىندە تۇلەكتىڭ تەستتى شىن بىلىمىمەن تاپسىرماعانى راستالعان. قىزدىڭ ناتيجەسى جويىلدى.
"ادىرنا" ۇلتتىق پورتالى.
