بيىل «رۋحاني جاڭعىرۋ» باعدارلاماسىن ۇلتتىق جاڭعىرۋ كەزەڭىنە كوشىرۋ جول كارتاسى بەكىتىلدى. جوسپارلانعان شارالار مەن جوبالار جاس ەرەكشەلىكتەرىنە ساي ازىرلەندى. بۇل تۋرالى قر اقپارات جانە قوعامدىق دامۋ ءمينيسترى ايدا بالاەۆا ايتىپ بەردى، دەپ حابارلايدى «ادىرنا» ۇلتتىق پورتالى قازاقپاراتقا سىلەمە جاساپ.
«جالپى، حالىق قازاقستاندىق قوعامنىڭ ترانسفورماتسياسىن قولدايدى جانە وڭ باعالايدى. ساراپشىلاردىڭ پىكىرىنشە، «رۋحاني جاڭعىرۋ» باعدارلاماسىن جۇزەگە اسىرۋ كەزىندە قوعامدىق سانا وزگەرە باستادى. «رۋحاني جاڭعىرۋ» باعدارلاماسىن جۇزەگە اسىرۋدىڭ تيىمدىلىگى» تاقىرىبىنداعى الەۋمەتتىك زەرتتەۋگە سايكەس، باعدارلامانىڭ التى باستى باعىتىنىڭ ءاربىرى بويىنشا قوعامدا ورنىقتى كوزقاراس قالىپتاسقانىن مالىمدەۋگە بولادى. قوعام ەكولوگيالىق جاعدايدى جاقسارتۋدا ازاماتتاردىڭ ءرولى ۇلكەن ەكەنىن تۇسىنەدى. بۇل – حالىقتىڭ ەكولوگيالىق ساناسىن جەتىلدىرۋ ءۇشىن ەكولوگيالىق قوزعالىستاردى، اكتسيالاردى جانداندىرۋ قاجەت ەكەنىنىڭ ايعاعى»، - دەدى ا. بالاەۆا «Sputnik قازاقستان» پورتالىنداعى سۇحباتىندا.
ءمينيستردىڭ ايتۋىنشا، «رۋحاني جاڭعىرۋ» باعدارلاماسىن ىسكە اسىرۋدىڭ ءتورت جىلىندا دەمەۋشى قاراجاتى ەسەبىنەن 280 ميلليارد تەڭگە تارتىلعان، 7 مىڭعا جۋىق نىسان سالىنىپ، جوندەلگەن.
«حالىقتى قولداۋعا 143 مىڭنان استام ازامات تارتىلدى. ەلدەگى قايىرىمدىلىق مادەنيەتى «رۋحاني جاڭعىرۋ» باعدارلاماسى اياسىندا جاڭا سەرپىن الدى. رەسپۋبليكا بويىنشا اتالعان جوبالاردى جۇزەگە اسىرۋعا 13 مىڭنان اسا مەتسەنات قاتىستى. وڭىرلەردە مەملەكەتتىك ورگاندار، ۇەۇ، بيزنەس پەن ازاماتتاردىڭ قاتىسۋىمەن اۋقىمدى شارالار وتكىزىلدى. قوعامدىق سانانىڭ جاڭعىرۋىنا قاراي ءبىز ايتارلىقتاي وڭ وزگەرىستەردى سەزىنىپ جاتىرمىز»، - دەيدى اقپارات ءمينيسترى.
سونىمەن بىرگە قازاقستان ازاماتتارى ءوز وتانىن دامىتۋعا ۇلەس قوسادى، الەۋمەتتىك جانە ازاماتتىق جاۋاپكەرشىلىك ارتىپ كەلەدى، جوو ستۋدەنتتەرى ۇزدىك الەمدىك ستاندارتتار بويىنشا مەملەكەتتىك تىلدە وقۋ مۇمكىندىگىنە يە، ەلدىڭ قاسيەتتى جەرلەرىنە باراتىن ادامدار سانى ارتىپ جاتىر.
«بيىل «رۋحاني جاڭعىرۋ» باعدارلاماسىن ۇلتتىق جاڭعىرۋ كەزەڭىنە كوشىرۋ جول كارتاسى بەكىتىلدى. جوسپارلانعان شارالار مەن جوبالار جاس ەرەكشەلىكتەرىنە ساي ازىرلەندى، ونىڭ ماقساتى – باعدارلاما مازمۇنىن حالىقتىڭ ءتۇرلى توپتارىنا جەتكىزۋ. ەڭ الدىمەن، باعدارلاما حالىقتى جاسى بويىنشا سارالانعان تۇردە قامتيدى، اسىرەسە، بۇل وسكەلەڭ ۇرپاق پەن جاستارعا قاتىستى بولادى. ياعني، «رۋحاني جاڭعىرۋ» اياسىنداعى جوبالار ءار جاس ساناتىنىڭ پروبلەمالارى مەن مۇددەسىن ەسكەرە وتىرىپ ازىرلەنەدى»، - دەپ ءتۇسىندىردى ايدا بالاەۆا.
بۇعان دەيىن اقپارات جانە قوعامدىق دامۋ ءمينيسترى ايدا بالاەۆا جۋرناليستەردىڭ بىلىكتىلىگىن ارتتىرۋ ءۇشىن قانداي شارالار جاسالعانىن بايانداعان ەدى.
سونداي-اق مينيستر مەملەكەتتىك اقپاراتتىق تاپسىرىستىڭ ماڭىزى مەن جاڭا ادىستەرى تۋرالى ايتىپ بەردى.
ال قازاقستان جاستارىنىڭ 60%-دان استامى جاڭالىقتار مەن وقيعالاردى الەۋمەتتىك جەلىلەر مەن بلوگتاردان بىلەدى. اقپارات ءمينيسترى جاستاردىڭ رەسمي دەرەككوزدەردەن ماڭىزدى ءارى دۇرىس اقپارات الۋى ءۇشىن قانداي شارالار اتقارىلعانىن ايتىپ بەردى.
