سەرەنا ۋيليامستىڭ «ۇلكەن دۋلىعانى» 24-ءى رەت جەڭىپ، رەكوردتى جاڭارتاتىن سوڭعى مۇمكىندىگى ءمۇلت كەتتى. قازاقستاننىڭ 1-ءشى تەننيسشىسى ەلەنا رىباكينا 1/8 فينالدا ۋيليامستى قاپى قالدىرىپ، سەنساتسيا جاسادى.
امەريكالىق ايگىلى تەننيسشى رولان گارروستاعى ءوزىنىڭ ءۇش تيتۋلىنىڭ سوڭعىسىن 2015 جىلى يەلەنىپ، 2016 جىلعى فينالدا جەڭىلىس تاپقاننان بەرى پاريجدە ءتورتىنشى راۋندتان اسپاي جۇرگەن ەدى.
ەڭ العاش رولان گارروستاعى دەبيۋتىن 1998 جىلى باستاعان ۋيليامس، بۇل جولى تەننيستەن فرانتسيانىڭ اشىق چەمپيوناتىندا سوڭعى رەت ونەر كورسەتىپ وتىرعانىن راستاپ، ول تۋرالى ايتۋدان باس تارتتى.
ەندى ەلەنا رىباكينا جارتىلاي فينالعا شىعۋ ءۇشىن رەسەيلىك اناستاسيا پاۆليۋچەنكومەن تالاسادى. ءبىر قىزىعى، بۇل قارسىلاستار «رولان گارروس» تۋرنيرىندە جۇپتىق سىندا بىرگە تابىستى ونەر كورسەتىپ كەلەدى. ولار قازىر ءۇشىنشى اينالىمعا دەيىن وتكەن بولاتىن.
رەسەيلىكتەر تەننيستىڭ جارىق جۇلدىزىن دەر ۋاقىتىندا قولداماعانىنا قازىر وكىنىپ جاتقان ءتارىزدى. ويتكەنى، ول ايەلدەر اراسىندا الەمگە ايگىلى تەننيسشى بولا الاتىنى دا انىق.
JexeNews
