جۇلىن بۇلشىق ەتتەرىنىڭ اتروفياسى دياگنوزىمەن ەميرگە ميلليارد تەڭگەنىڭ ينەكتسياسى جاسالدى. بۇل تۋرالى ەميردىڭ اتا-اناسى سابينا داۋلەتكاليەۆا مەن تالەح شاحماروۆ الەۋمەتتىك جەلىدە ايتتى، دەپ حابارلايدى "ادىرنا" ۇلتتىق پورتالى.
ناۋرىز ايىندا "ادىرنا" ۇلتتىق پورتالى باتىستاعى اقساي قالاسىنىڭ شاحماروۆتار وتباسى تۋرالى ايتقان بولاتىن. بالالارى ەمير جۇلىن بۇلشىقەتىنىڭ اتروفياسى اۋرۋىنا شالدىققان ەدى. اۋرۋدى توقتاتۋ ءۇشىن بالا ەكى جاسقا تولعانعا دەيىن «زولگەنسما» ينەكتسياسىن الۋ كەرەك دەپ حابارلاندى. بۇل ءدارىنىڭ قۇنى ءبىر ميلليارد تەڭگەنى قۇرايدى. ناۋرىز ايىنىڭ سوڭىندا اقشا قامقور ادامداردىڭ كومەگىمەن جينالىپ، قور جابىلدى.
«كۇتۋ ۇزاق ءارى قيىن بولدى، بىراق بارىنە قاراماستان ءبىز كۇتتىك جانە ەمير قازاقستاندا ءبىرىنشى بولىپ زولگەنسما پرەپاراتىمەن گەندىك تەراپيا الدى. بىزگە بارلىق ۋاقىتتا كومەكتەسكەن جانە قولداعان بارلىق ادامدارعا العىس ايتامىز. وسى كەرەمەت مۇمكىندىكتى بەرگەنى ءۇشىن بارىڭىزگە راقمەت. قازىر باستان كەشىپ جاتقان نارسەنى سوزبەن ايتىپ جەتكىزە المايمىز. بىراق ءبىز بۇل كۇنگە جەتكەنىمىزگە وتە قۋانىشتىمىز جانە باقىتتىمىز. بارلىق بالالارعا كوپتەن كۇتكەن ەم-دومدارىن الۋىن تىلەيمىز", - دەپ جازدى ولار.
پوسموترەت ەتۋ پۋبليكاتسيۋ ۆ Instagram
