ءجاسوسپىرىم 20-قاباتتان قۇلادى: تاعى ءبىر كۇماندى ويىن پايدا بولدى ما؟

1553
Adyrna.kz Telegram

نۇر-سۇلتاندا 20-قاباتتىڭ بالكونىنان 14 جاستاعى ءجاسوسپىرىم قۇلاپ ءتۇستى. وقيعا بولعان كەزدە ونىڭ اناسى ۇيدە بولعان. بۇل تۋرالى استانانىڭ پوليتسيا دەپارتامەنتىنىڭ ءباسپاسوز قىزمەتى ايتتى، دەپ حابارلايدى «ادىرنا» ۇلتتىق پورتالى Tengrinews.kz سايتىنا سىلتەمە جاساپ.

قايعىلى وقيعا تۋرالى جۋرناليست ميحايل كوزاچكوۆ Telegram-ارناسىندا حابارلادى. ول وقيعا ورنىنان ۆيدەو سالىپ، بۇل جايت «تريۋمف استانى» تۇرعىن ءۇي كەشەنىندە بولۋى مۇمكىن دەپ بولجاعان.

«استانادا «كوك كيتكە» ۇقساس جاڭا ويىن پايدا بولدى دەگەن قاۋەسەت تارادى - بەلگىلى ءبىر دەڭگەيدەن ءوتۋ ءۇشىن قانداي دا ءبىر تاپسىرمالاردى ورىنداۋ كەرەك، بىراق ويىنشى وزىنە قول جۇمساۋ تۋرالى بۇيرىق تا الۋى مۇمكىن»، - دەيدى جۋرناليست.

پوليتسيا دەپارتامەنتىنىڭ وكىلدەرى 29 مامىردا ساعات 23.18-دە ەسىل اۋدانىنىڭ پوليتسيا بولىمشەسىنە قابانباي باتىر داڭعىلىندا 20-قاباتتىڭ بالكونىنان كامەلەتكە تولماعان بالا قۇلاپ كەتكەنى تۋرالى حابار تۇسكەنىن ايتادى.

«ول العان جاراقاتتارىنان وقيعا ورنىندا قايتىس بولدى. وقيعا كەزىندە 14 جاستاعى ءجاسوسپىرىمنىڭ اناسى ۇيدە بولعان. ءجاسوسپىرىمنىڭ جەكە كومپيۋتەرىن الىپ تەكسەرۋ كەزىندە سۋيتسيد باعىتتاعى سايت نەمەسە ويىن ويناماعانى انىقتالدى. بۇل دەرەك بويىنشا قىلمىستىق ءىس قوزعالدى. تەرگەۋ ءجۇرىپ جاتىر»، - دەدى ءباسپاسوز قىزمەتى وكىلدەرى.

"ادىرنا" ۇلتتىق پورتالى

(فوتو zhasalash.kz سايتىنان)

پىكىرلەر