Nur-Sultanda 20-qabattyń balkonynan 14 jastaǵy jasóspirim qulap tústi. Oqıǵa bolǵan kezde onyń anasy úıde bolǵan. Bul týraly astananyń Polıııa departamentiniń baspasóz qyzmeti aıtty, dep habarlaıdy «Adyrna» ulttyq portaly Tengrinews.kz saıtyna silteme jasap.
Qaıǵyly oqıǵa týraly jýrnalıst Mıhaıl Kozachkov Telegram-arnasynda habarlady. Ol oqıǵa ornynan vıdeo salyp, bul jaıt «Trıýmf Astany» turǵyn úı kesheninde bolýy múmkin dep boljaǵan.
«Astanada «Kók kıtke» uqsas jańa oıyn paıda boldy degen qaýeset tarady - belgili bir deńgeıden ótý úshin qandaı da bir tapsyrmalardy oryndaý kerek, biraq oıynshy ózine qol jumsaý týraly buıryq ta alýy múmkin», - deıdi jýrnalıst.
Polıııa departamentiniń ókilderi 29 mamyrda saǵat 23.18-de Esil aýdanynyń polıııa bólimshesine Qabanbaı batyr dańǵylynda 20-qabattyń balkonynan kámeletke tolmaǵan bala qulap ketkeni týraly habar túskenin aıtady.
«Ol alǵan jaraqattarynan oqıǵa ornynda qaıtys boldy. Oqıǵa kezinde 14 jastaǵy jasóspirimniń anasy úıde bolǵan. Jasóspirimniń jeke kompıýterin alyp tekserý kezinde sýııd baǵyttaǵy saıt nemese oıyn oınamaǵany anyqtaldy. Bul derek boıynsha qylmystyq is qozǵaldy. Tergeý júrip jatyr», - dedi baspasóz qyzmeti ókilderi.
"Adyrna" ulttyq portaly
(foto zhasalash.kz saıtynan)
