قر پرەزيدەنتى اكىمشىلىگىنىڭ باسشىسى ەرلان قوشانوۆتىڭ بۇيرىعىمەن پرەزيدەنت ءباسپاسوز قىزمەتىنىڭ سەكتور مەڭگەرۋشىسى، بەلگىلى جۋرناليست ەرجان بايتىلەس قر مەملەكەتتىك حاتشىسىنىڭ حاتشىلىعى مەڭگەرۋشىسىنىڭ ورىنباسارى بولىپ تاعايىندالدى. بۇل تۋرالى بەرىك ءۋالي Facebook پاراقشاسىندا جازدى، دەپ حابارلايدى «ادىرنا» ۇلتتىق پورتالى.
«ەرجان بايتىلەس «اق جول قازاقستان»، «الماتى اقشامى»، «التى الاش»، «انا ءتىلى»، «ەگەمەن قازاقستان» سەكىلدى ەلىمىزدىڭ ىرگەلى باسىلىمدارىندا تىلشىلىكتەن باستاپ جۋرناليستيكانىڭ بارلىق ساتىسىنان وتكەن تاجىريبەلى قالامگەر. قىزىلوردا قالالىق ءماسليحاتىنىڭ دەپۋتاتى، «Nur Otan» پارتياسى قىزىلوردا وبلىستىق فيليالى توراعاسىنىڭ ورىنباسارى رەتىندە قوعامدىق جۇمىسقا دا بەلسەندى ارالاسقان ازامات. وسىدان ەكى جىل بۇرىن قر پرەزيدەنتىنىڭ ءباسپاسوز قىزمەتىنە ارنايى شاقىردىق. سولايشا مەملەكەتتىك قىزمەتتىڭ قىر-سىرىنا ۇيرەنىپ، ۇلكەن مەكتەپتەن ءوتىپ، شىڭدالدى. ەندى قاناتى قاتايىپ، تاجىريبەسى تولىسىپ تاعى ءبىر باسپالداققا كوتەرىلىپ جاتىر»، - دەپ جازدى ول.
ەرجان بايتىلەسكە جاڭا جۇمىسىندا تولاعاي تابىس تىلەيمىز!
"ادىرنا" ۇلتتىق پورتالى
