بۇگىن، 1 ماۋسىم كۇنى الماتىعا كوروناۆيرۋسقا قارسى قىتايلىق CoronaVac ۆاكتسيناسىنىڭ العاشقى پارتياسى جەتكىزىلدى، دەپ حابارلايدى «ادىرنا» ۇلتتىق پورتالى قالا اكىمدىگىنىڭ ءباسپاسوز قىزمەتىنە سىلتەمە جاساپ.
Sinovac Biotech Ltd كومپانياسى شىعارعان ۆاكتسينا قىتايدان ارنايى بورتپەن جەتكىزىلدى. العاشقى پارتيادا 500 مىڭ دوزا بار. بۇل قازاقستانداعى كوروناۆيرۋسقا قارسى ءتورتىنشى ۆاكتسينا بولادى. ونى قىتاي حالىق رەسپۋبليكاسىمەن جۇرگىزىلگەن كەلىسىمدەردىڭ ناتيجەسىندە جەتكىزىپ وتىر.
دەنساۋلىق ساقتاۋ مينيسترلىگى ۇسىنعان اقپاراتقا سايكەس، قازاقستانعا كەلگەن جاڭا ۆاكتسينا بارلىق ەكپە سالۋ پۋنكتتەرىندە قولجەتىمدى بولادى. مينيسترلىك CoronaVac-تى ماقۇلدادى. ەندى قازاقستاندىقتار QazVac, «سپۋتنيك V» پەن Hayat-Vax-قا قوسا كوروناۆيرۋسقا قارسى تاعى ءبىر ەكپەنى سالدىرتۋعا مۇمكىندىك الادى.
ايتا كەتەيىك، بۇگىندە الەم بويىنشا «CoronaVac» پرەپاراتىن كەڭىنەن قولدانادى. بۇل – يناكتيۆتى ۆاكتسينا. قۇرامىندا SARS-CoV-2 بەلسەندى انتيگەنى بار. ءبىر دوزا - 0,5 مل. ۆاكتسينانى اراعا 14-28 كۇن سالىپ، ەكى رەت سالادى. ساقتاۋ تەمپەراتۋراسى - پليۋس 2-8 گرادۋس. ونى 18 جاستان اسقان ادامدارعا ەگەدى.
"ادىرنا" ۇلتتىق پورتالى
