Qazaqstanǵa qytaılyq vakına jetkizildi

2090
Adyrna.kz Telegram

Búgin, 1 maýsym kúni Almatyǵa koronavırýsqa qarsy qytaılyq CoronaVac vakınasynyń alǵashqy partııasy jetkizildi, dep habarlaıdy «Adyrna» ulttyq portaly qala ákimdiginiń baspasóz qyzmetine silteme jasap.

Sinovac Biotech Ltd kompanııasy shyǵarǵan vakına Qytaıdan arnaıy bortpen jetkizildi. Alǵashqy partııada 500 myń doza bar. Bul Qazaqstandaǵy koronavırýsqa qarsy tórtinshi vakına bolady. Ony Qytaı Halyq Respýblıkasymen júrgizilgen kelisimderdiń nátıjesinde jetkizip otyr.

Densaýlyq saqtaý mınıstrligi usynǵan aqparatqa sáıkes, Qazaqstanǵa kelgen jańa vakına barlyq ekpe salý pýnktterinde qoljetimdi bolady. Mınıstrlik CoronaVac-ty maquldady. Endi qazaqstandyqtar QazVac, «Spýtnık V» pen Hayat-Vax-qa qosa koronavırýsqa qarsy taǵy bir ekpeni saldyrtýǵa múmkindik alady.

Aıta keteıik, búginde álem boıynsha «CoronaVac» preparatyn keńinen qoldanady. Bul – ınaktıvti vakına. Quramynda SARS-CoV-2 belsendi antıgeni bar. Bir doza - 0,5 ml. Vakınany araǵa 14-28 kún salyp, eki ret salady. Saqtaý temperatýrasy - plıýs 2-8 gradýs. Ony 18 jastan asqan adamdarǵa egedi.

"Adyrna" ulttyq portaly

Pikirler