ءبىز ەرەسەك ادامداردىڭ ءوز بالالارىنا بولەتىن ۋاقىتى بولمايتىن كەزەڭدە ءومىر سۇرۋدەمىز. ءبىزدىڭ مەملەكەتتە بالالار 3-4 جاسقا تولعاننان باستاپ بالاباقشاعا بارادى، ودان ءارى مەكتەپ، ۋنيۆەرسيتەت... وسىلايشا ادامداردىڭ ءوز بالالارى وزدەرىنە باعىنبايتىن دەڭگەيگە جەتەدى. بۇدان بولەك بالالارىمەن اشىق سويلەسەتىن، ونىڭ تاربيەسىنە ءمان بەرەتىن اتا-انالار دا جوقتىڭ قاسى. ءبارى بالاسىن قىسىپ ۇستاۋعا، ولارعا قاتال بولۋعا دايىن تۇرادى. بالالارعا قاتالدىق تانىتۋدىڭ قاجەتى جوق سەكىلدى.
ءاربىر اتا-انا ولارمەن قۇرداسى سياقتى اشىق سويلەسسە، ولار وزدەرىنە اتا-انادان ارتىق ەشكىمنىڭ جاقىن ەمەس ەكەندىگىن تۇسىنەدى. «ادىرنا» ۇلتتىق پورتالى اتا-انالارعا بالالارىنا قويۋعا بولاتىن سۇراقتاردىڭ ءتىزىمىن ۇسىنادى.
- «كۇنىڭ قالاي ءوتتى؟» دەگەن سۇراقتىڭ ورنىنا قويۋعا بولاتىن سۇراقتار:
بۇگىن بولعان ەڭ قىزىقتى وقيعا تۋرالى ايتىپ بەرشى.
قانداي جاڭا اقپارات ءبىلدىڭ؟
كۇلۋىڭە نە تۇرتكى بولدى؟
ساعان كىم قىزىقتى، كۇلكىلى، اقىلعا سىيمايتىن دۇنيەلەر ايتتى؟
بۇگىن سەنى نە تاڭقالدىردى؟
بۇگىن بىرەۋگە كومەكتەستىڭ بە؟
سەن ءۇشىن بىرەۋ قانداي دا ءبىر جاقسىلىق جاسادى ما؟
بۇگىن ءوزىڭ ءۇشىن ماقتاندىڭ با؟ نە ءۇشىن؟
ساعان بۇگىن كوڭىلسىز بولدى ما؟
بۇگىن ساعان نە قيىن بولدى؟
دوستارىڭمەن بىرگە قانداي ويىن وينادىڭ؟
تۇسكى استا كىممەن بىرگە وتىردىڭ؟
سىنىپتاستارىڭنىڭ ىشىنەن كىممەن دوس بولعىڭ كەلەدى؟
مۇعالىمدەرىڭ مەن تاربيەشىلەرىڭنىڭ اراسىندا كىم ساعان قاتتىراق ۇنايدى؟ ال كىم مۇلدەم ۇنامايدى؟
ەگەر سەن ءبىر كۇنگە مۇعالىم بولساڭ، سىنىپتاستارىڭا نە ۇيرەتەر ەدىڭ؟
بىرەۋ ساعان ادىلەتسىزدىك كورسەتتى مە؟
كىممەن ارالارىڭدا كەلىسپەۋشىلىك بولدى؟
ەگەر بۇگىنگى كۇن قايتا ورالاتىن بولسا، بۇگىنگى كۇنىڭدى باسقاشا قالاي وتكىزەر ەدىڭ؟
وسى اپتادا نەنى ورىنداي المادىڭ؟ ال نەنى ورىنداي الدىڭ؟
- بالانىڭ فانتازياسىن دامىتاتىن سۇراقتار:
ەگەر اسپاننان تاماق جاڭبىرشا جاۋسا، وسى ورىندالۋ ءۇشىن نەنى قالار ەدىڭ؟
قاي جانۋارمەن قىدىرۋدى قالايسىڭ: پىلمەن بە الدە ارىستانمەن بە؟
ەگەر سەندە تۇستەردىڭ اتىن وزگەرتۋ مۇمكىندىگى بولسا، ولاردى قالاي اتار ەدىڭ؟
ەگەر ءبىزدىڭ ۇيدەگى مىسىق سويلەي العاندا، ول نە ايتۋى مۇمكىن؟
ەگەر سەندە كەز كەلگەن جابايى اڭعا سۇراق قويۋ مۇمكىندىگى بولسا، سەن ودان نە سۇرار ەدىڭ؟
ەگەر سەنىڭ جەكە ۇڭگىرىڭ بولسا، ونىڭ ىشىندە نە بولار ەدى؟
ەشقاشان بۇزىلمايتىن قابىرعانى نەدەن تۇرعىزۋعا بولادى؟
قانداي جانۋار ماشينانى دۇرىس، ەرەجەلەردى بۇزباي جۇرگىزە الادى دەپ ويلايسىڭ؟
ەگەر ۋاقىت ماشيناسى بولسا، نە بولادى؟
ەگەر ادامدار اقشانى ويلاپ تاپپاعاندا، الەم قالاي قۇرالاتىن ەدى؟
ەگەر سەنىڭ سيقىرلى تاياقشاڭ بولسا، قانداي ءۇش ءتۇرلى تىلەك تىلەر ەدىڭ؟
- بالانىڭ ءوزى تۋرالى سۇراقتار:
ءوزىڭدى 5 سوزبەن سيپاتتاپ بەرشى
ءوزىڭنىڭ قانداي قاسيەتىڭدى ۇناتاسىڭ؟ ال قايسىسىن ۇناتپايسىڭ؟
ەگەر ءوزىڭنىڭ كەلبەتىڭدەگى ءبىر نارسەنى وزگەرتە العانىڭدا نەنى وزگەرتەر ەدىڭ؟
ەگەر قالاعان جەرىڭە بارا الاتىن كۇشكە يە بولساڭ، قايدا باراتىن ەدىڭ؟
ۇلكەندەر سەن تۋرالى نەنى دۇرىس تۇسىنبەيدى دەپ ويلايسىڭ؟
ساعان ايتىلعان ەڭ ۇزدىك كومپليمەنتتى ايتشى.
ەگەر سەنىڭ جۇمىس ىستەمەسەڭ دە سەنى قاناعاتتاندىراتىن اقشاڭ بولسا، سەن جۇمىس جاسار ما ەدىڭ؟
ەگەر سەنىڭ جەكە دۇكەنىڭ بولسا، وندا نە ساتار ەدىڭ؟
ەگەر سەن كىتاپ جازساڭ، ول نە تۋرالى بولادى؟
ءوزىڭنىڭ يدەالدى كۇنىڭدى قالاي ەلەستەتەسىڭ؟
نەنى ۇيرەنگىڭ كەلەدى؟
قازىرگى بىلەتىن نارسەلەرىڭنىڭ ىشىندە ۇلكەن بولعاندا نە قاجەت بولادى دەپ ويلايسىڭ؟
ەگەر ۋاقىت ماشيناسى بولىپ، ونىمەن ساياحاتتاي الاتىن مۇمكىندىك تۋىپ، ءۇش جىل بۇرىنعى ومىرىڭە ساياحات جاسايتىن بولساڭ، سول كەزدەگى وزىڭە قانداي كەڭەس بەرەر ەدىڭ؟
مەن سەنى قۇشاقتاعان كەزدە نە سەزەسىڭ؟
- ءومىر جانە الەم تۋرالى سۇراقتار:
ادامدى نە اقىلدى ەتەدى؟
بالا مەكتەپكە نە ءۇشىن بارادى؟
بولاشاقتا ءومىر قانداي بولاتىن سەكىلدى؟
بالا بولعان وڭاي ما؟ الدە ەرەسەك بولعان وڭاي ما؟
بالانىڭ ەرەسەك ادامداردى سىيلاعانى دۇرىس پا؟
بۇل ومىردە ادامدار ءبىر-ءبىرىن نە ءۇشىن الدايدى؟
ارقاشان ءوزىڭ ويلاپ تۇرعان نارسەنى باسقالارعا ايتا سالعان دۇرىس پا؟
ادامدار نە ءۇشىن سوزگە كەلەدى، بارلىق ماسەلەنى ايقاي-شۋسىز شەشۋگە بولماي ما؟
ەرەسەك ادامدار نە ءۇشىن ءجيى كۇلىمسىرەمەيدى؟
ادامنىڭ جانى دەگەنىمىز نە، ول قايدا ورنالاسادى؟
ماحاببات دەگەن نە؟
باقىت دەگەن نە؟
ادام اقشاسىز باقىتتى بولا الا ما؟
بايلار نەلىكتەن اقشالارىن كەدەي ادامدارعا ءبولىپ بەرمەيدى؟
ءبىز نە ءۇشىن ءومىر ءسۇرىپ جاتىرمىز؟
ال ءسىز بالاڭىزعا وسى سۇراقتاردى قوياسىز با؟ ەڭ بولماعاندا ءبىر رەت بولسىن قويىپ كوردىڭىز بە؟
"ادىرنا" ۇلتتىق پورتالى
