200-گە جۋىق وقۋشىنى ۇرلاپ كەتتى

3815
Adyrna.kz Telegram

نيگەريانىڭ نيگەر شتاتىندا قارۋلى ادامدار 200-گە جۋىق وقۋشىنى ۇرلاپ كەتتى، دەپ حابارلايدى «ادىرنا» ءتىلشىسى.

جەرگىلىكتى باسىلىمنىڭ مالىمەتىنشە، جاۋىنگەرلەر جەكسەنبى كۇنى تەگين قالاسىنداعى مەكتەپكە شابۋىل جاساعان. ولار وق جاۋدىرىپ، ناتيجەسىندە ەكى ادامدى جارالاعان. زارداپ شەككەندەردىڭ بىرەۋى قايتىس بولدى، ال ەكىنشىسىنىڭ جاعدايى اۋىر.

نيگەر بيلىگى شابۋىل فاكتىسىن راستادى، الايدا ۇرلانعان بالالاردىڭ ناقتى سانى انىقتالماعانىن مالىمدەدى.

ايتا كەتەيىك، بۇعان دەيىن دە ەلدە وقۋشى ۇرلاۋ فاكتىلەرى تىركەلگەن بولاتىن. ولاردى بوساتۋ ءۇشىن شابۋىلداۋشىلار كوبىنەسە تولەم تالاپ ەتەدى.

«ادىرنا» ۇلتتىق پورتالى

پىكىرلەر