ءماجىلىس دەپۋتاتى ەلنۇر بەيسەنباەۆ جانبولات مامايدى سوتتان جالتارماۋعا شاقىردى، دەپ حابارلايدى «ادىرنا» ۇلتتىق پورتالى.
جاقىندا باۋىرجان بايبەك پەن جانبولات ماماي اراسىنداعى ءىستىڭ تىڭدالىمى وتكەن بولاتىن. الايدا بەلسەندى ماماي سوت كۇنىن اۋىستىرۋعا نەمەسە سوتتىڭ بولماۋىنا سەبەپ ىزدەپ جۇرگەندەي.
بۇدان بولەك دەپۋتات جانبولات مامايدى دالەلدەردى بەلسەندى تۇردە ىزدەۋگە شاقىردى.
«بۇل كۇندە حايپ قۋعان داڭعويلار كوبەيدى. سوندايلاردىڭ ءبىرى – جانبولات. قازىر باۋىرجان بايبەكپەن سوتتاسۋمەن قاتار تاعىدا بىرقاتار ازاماتتاردىڭ جاعاسىنا جارماستىڭ. بۇل ءوزىڭنىڭ ۇتىلاتىنىڭدى ءبىلىپ، الدىن الا جاساعان كەزەكتى بايبالاڭىڭ ەكەنى انىق. ءتۇپ ماقساتىڭ - قايتسە دە حالىقتىڭ كوڭىلىن سوت پروتسەسىنەن اۋدارۋ. مەن باۋىرجان بايبەكپەن ەمەس، جالپى كوررۋپتسيامەن كۇرەسىپ ءجۇرمىن دەپ ءوزىڭدى ادىلدىك ىزدەگەن اۋليە ەتىپ كورسەتۋگە تىرىسىپ ءجۇرسىڭ. ول ول ما، سوت پروتسەسىنىڭ وزىندە دە اڭگىمەنى باسقا ارناعا بۇرىپ، سوت سۇراعىنا جاۋاپ بەرە الماي ساستىڭ. ءتىپتى، بولماعاندا قاسيەتتى تىلىمىزگە جارماستىڭ...» - دەيدى دەپۋتات.
"ادىرنا" ۇلتتىق پورتالى
