مەكتەپ بىتىرگەندەرىنە 20 جىل بولعان سوزاق اۋىلىنىڭ «سوزاق» مەكتەپ-گيمنازياسىنىڭ تۇلەكتەرى قايىرىمدىلىق جاسادى. ولار جالعىزباستى اناعا باسپانا سالىپ بەردى، دەپ حابارلايدى «ادىرنا» ۇلتتىق پورتالى.
تۇركىستان وبلىسىنىڭ وڭىرلىك كوممۋنيكاتسيالار قىزمەتى ءتورت بولمەلى ۇيدە اۋىز سۋ، جارىق جانە جىلۋ ورناتىلعانىن مالىمدەدى. سونىمەن قاتار جاڭادان تۇرعىزىلعان ءۇي زاماناۋي جابدىقتارمەن جابدىقتالعان، اۋلاسى دا اياقتالعان.
باسپانالى بولعان جالعىزباستى انا - سالامات ەراليەۆا. ول جەرلەستەرىنە العىسىن ءبىلدىردى.
"ادىرنا" ۇلتتىق پورتالى