جامبىل وبلىسىندا مەكتەپ ديرەكتورىنىڭ جۇمىس ورنىندا قارىم-قاتىناس قۇرعانى انىقتالدى، دەپ حابارلايدى «ادىرنا» ۇلتتىق پورتالى Stan.kz اقپارات اگەنتتىگىنە سىلتەمە جاساپ.
مويىنقۇم اۋدانى، سارىوزەك اۋىلىنداعى ق.ساتباەۆ اتىنداعى ورتا مەكتەبى ديرەكتورىنىڭ مىندەتىن اتقارۋشى ەرجان جاڭاباەۆ پەن ديرەكتوردىڭ وقۋ ءىسى جونىندەگى ورىنباسارى كەنجەكۇل باقىباەۆانىڭ اراسىندا بولعان وقۋ ورداسىنداعى «اشىق ماحابباتى» الەۋمەتتىك جەلىدە تارادى. بۇل تۋرالى مارجان اۋەزوۆا ەسىمدى جەلى قولدانۋشىسى جازدى.
«ديرەكتور جانە وقۋ ءىسىنىڭ ورىنباسارى ەكەۋىنىڭ اراسىندا «سلۋجەبنىي رومان» جايلى مەكتەپ مۇعالىمدەرى، وقۋشىلار مەن اتا-انالاردىڭ حابارى بولعان. ديرەكتور جانە وقۋ ءىسىنىڭ ورىنباسارى اراسىنداعى مەكتەپ قابىرعاسىندا بولىپ جاتقان «اشىق ماحابباتى» مۇعالىمدەر مەن وقۋشىلاردىڭ شامىنا تيگەن. 25 ساۋىردە ەكەۋىنىڭ اراسىندا بولعان «اشىق ماحاببات» ۆيدەوتاسپاعا ىلىنگەن. بۇل جاعدايدى قامقورشىلىق كەڭەسىنىڭ توراعاسى بىلە تۇرا ءبىلىم جانە عىلىم مينيسترلىگىنە حابارلاماعان.
دوستار، مەكتەپ ديرەكتورى جانە وقۋ ءىسىنىڭ ورىنباسارى وسىلاي ۇلگى كورسەتىپ جۇرگەندەرى دۇرىس دەپ ويلايسىزدار ما؟ ءبىزدىڭ بولاشاق جاستارىمىزعا قانداي ءبىلىم، تاربيە كورسەتىپ جۇرگەندەرى؟»، - دەپ جازدى ول.
بۇل جاعدايعا قاتىستى جامبىل وبلىسى ءبىلىم باسقارماسىنداعىلار پىكىر ءبىلدىرىپ، ەكەۋى وتباسىن قۇرعالى جۇرگەنىن ايتتى.
«ەرجان جاڭاباەۆ مويىنقۇم اۋدانى، سارىوزەك اۋىلىنداعى ق.ساتباەۆ اتىنداعى ورتا مەكتەبى ديرەكتورىنىڭ مىندەتىن ۋاقىتشا اتقارۋدا. بەينەروليكتەگى ماسەلە بويىنشا ە.جاڭاباەۆقا 2021 جىلدىڭ 26 مامىرىندا مويىنقۇم اۋداندىق ءبىلىم ءبولىمىنىڭ №140 بۇيرىعىمەن «قاتاڭ سوگىس» تۇرىندەگى تارتىپتىك شارا قولدانىلدى.
ديرەكتوردىڭ مىندەتىن اتقارۋشى ە.جاڭاباەۆ پەن ديرەكتوردىڭ وقۋ ءىسى جونىندەگى ورىنباسارى ك.باقىباەۆا وتباسىن قۇرماعان. ءبىر-بىرىمەن وتباسىن قۇرۋ نيەتتەرى بار»، - دەپ جاۋاپ بەردى.
"ادىرنا" ۇلتتىق پورتالى
