اقش ەكۆادورمەن بىرلەسىپ تەرروريستىك ۇيىمدارعا قارسى وپەراتسيا باستادى. بۇل تۋرالى پەنتاگوننىڭ وڭتۇستىك قولباسشىلىعى ح الەۋمەتتىك جەلىسىندەگى پاراقشاسىندا مالىمدەدى، دەپ حابارلايدى «ادىرنا» ءتىلشىسى.
«بۇل وپەراتسيالار – لاتىن امەريكاسى مەن كاريب باسسەينىندەگى سەرىكتەستەردىڭ ەسىرتكى تەرروريزمىنە قارسى كۇرەستەگى تاباندى ۇستانىمىنىڭ ايقىن كورىنىسى. ءبىز بۇكىل جارتى شار ازاماتتارى اراسىندا ۇزاق ۋاقىت بويى تەررور، زورلىق-زومبىلىق جانە جەمقورلىق تاراتىپ كەلگەن ەسىرتكى لاڭكەستەرىنە قارسى باتىل ارەكەت جاساپ جاتىرمىز»، – دەلىنگەن حابارلامادا.
ايتا كەتەيىك، بىلتىر اقش بۇل وڭىردە ەسىرتكى تاسىمالدادى دەلىنگەن كاتەرلەردى جويۋ ءۇشىن قارۋلى كۇشتەردى بەلسەندى تۇردە قولدانا باستادى. امەريكا بيلىگىنىڭ مالىمدەۋىنشە، مۇنداي وپەراتسيالار ترانسۇلتتىق قىلمىس پەن قاۋىپتى زاتتاردىڭ زاڭسىز اينالىمىنا قارسى كۇرەسكە باعىتتالعان.
