Jambyl oblysynda mektep dırektorynyń jumys ornynda qarym-qatynas qurǵany anyqtaldy, dep habarlaıdy «Adyrna» ulttyq portaly Stan.kz aqparat agenttigine silteme jasap.
Moıynqum aýdany, Saryózek aýylyndaǵy Q.Sátbaev atyndaǵy orta mektebi dırektorynyń mindetin atqarýshy Erjan Jańabaev pen dırektordyń oqý isi jónindegi orynbasary Kenjekúl Baqybaevanyń arasynda bolǵan oqý ordasyndaǵy «ashyq mahabbaty» áleýmettik jelide tarady. Bul týraly Marjan Áýezova esimdi jeli qoldanýshysy jazdy.
«Dırektor jáne oqý isiniń orynbasary ekeýiniń arasynda «Slýjebnyı roman» jaıly mektep muǵalimderi, oqýshylar men ata-analardyń habary bolǵan. Dırektor jane oqý isiniń orynbasary arasyndaǵy mektep qabyrǵasynda bolyp jatqan «ashyq mahabbaty» muǵalimder men oqýshylardyń shamyna tıgen. 25 sáýirde ekeýiniń arasynda bolǵan «ashyq mahabbat» vıdeotaspaǵa ilingen. Bul jaǵdaıdy Qamqorshylyq keńesiniń tóraǵasy bile tura Bilim jáne ǵylym mınıstrligine habarlamaǵan.
Dostar, mektep dırektory jáne oqý isiniń orynbasary osylaı úlgi kórsetip júrgenderi durys dep oılaısyzdar ma? Bizdiń bolashaq jastarymyzǵa qandaı bilim, tárbıe kórsetip júrgenderi?», - dep jazdy ol.
Bul jaǵdaıǵa qatysty Jambyl oblysy Bilim basqarmasyndaǵylar pikir bildirip, ekeýi otbasyn qurǵaly júrgenin aıtty.
«Erjan Jańabaev Moıynqum aýdany, Saryózek aýylyndaǵy Q.Sátbaev atyndaǵy orta mektebi dırektorynyń mindetin ýaqytsha atqarýda. Beınerolıktegi másele boıynsha E.Jańabaevqa 2021 jyldyń 26 mamyrynda Moıynqum aýdandyq bilim bóliminiń №140 buıryǵymen «qatań sógis» túrindegi tártiptik shara qoldanyldy.
Dırektordyń mindetin atqarýshy E.Jańabaev pen dırektordyń oqý isi jónindegi orynbasary K.Baqybaeva otbasyn qurmaǵan. Bir-birimen otbasyn qurý nıetteri bar», - dep jaýap berdi.
"Adyrna" ulttyq portaly
