Jambyl oblysynda mektep direktorynyŋ jūmys ornynda qarym-qatynas qūrǧany anyqtaldy, dep habarlaidy «Adyrna» ūlttyq portaly Stan.kz aqparat agenttıgıne sılteme jasap.
Moiynqūm audany, Saryözek auylyndaǧy Q.Sätbaev atyndaǧy orta mektebı direktorynyŋ mındetın atqaruşy Erjan Jaŋabaev pen direktordyŋ oqu ısı jönındegı orynbasary Kenjekül Baqybaevanyŋ arasynda bolǧan oqu ordasyndaǧy «aşyq mahabbaty» äleumettık jelıde tarady. Būl turaly Marjan Äuezova esımdı jelı qoldanuşysy jazdy.
«Direktor jäne oqu ısınıŋ orynbasary ekeuınıŋ arasynda «Slujebnyi roman» jaily mektep mūǧalımderı, oquşylar men ata-analardyŋ habary bolǧan. Direktor jane oqu ısınıŋ orynbasary arasyndaǧy mektep qabyrǧasynda bolyp jatqan «aşyq mahabbaty» mūǧalımder men oquşylardyŋ şamyna tigen. 25 säuırde ekeuınıŋ arasynda bolǧan «aşyq mahabbat» videotaspaǧa ılıngen. Būl jaǧdaidy Qamqorşylyq keŋesınıŋ töraǧasy bıle tūra Bılım jäne ǧylym ministrlıgıne habarlamaǧan. Dostar, mektep direktory jäne oqu ısınıŋ orynbasary osylai ülgı körsetıp jürgenderı dūrys dep oilaisyzdar ma? Bızdıŋ bolaşaq jastarymyzǧa qandai bılım, tärbie körsetıp jürgenderı?», - dep jazdy ol.Būl jaǧdaiǧa qatysty Jambyl oblysy Bılım basqarmasyndaǧylar pıkır bıldırıp, ekeuı otbasyn qūrǧaly jürgenın aitty.
«Erjan Jaŋabaev Moiynqūm audany, Saryözek auylyndaǧy Q.Sätbaev atyndaǧy orta mektebı direktorynyŋ mındetın uaqytşa atqaruda. Beineroliktegı mäsele boiynşa E.Jaŋabaevqa 2021 jyldyŋ 26 mamyrynda Moiynqūm audandyq bılım bölımınıŋ №140 būiryǧymen «qataŋ sögıs» türındegı tärtıptık şara qoldanyldy. Direktordyŋ mındetın atqaruşy E.Jaŋabaev pen direktordyŋ oqu ısı jönındegı orynbasary K.Baqybaeva otbasyn qūrmaǧan. Bır-bırımen otbasyn qūru nietterı bar», - dep jauap berdı.
"Adyrna" ūlttyq portaly
