55 مىڭنان استام ادام: ەلىمىزدە جۇمىسسىز قالعاندارعا جاردەماقى تولەنبەك

1185

ەلىمىزدە بيىل 55,7 مىڭ ادام جۇمىسىنان ايىرىلۋىنا بايلانىستى جاردەماقى راسىمدەگەن. ولاردىڭ ىشىندە 33,3 مىڭ ادامعا تولەم العاش رەت تاعايىندالدى، دەپ حابارلايدى «ادىرنا» ۇلتتىق پورتالى ەڭبەك مينيسترلىگىنە سىلتەمە جاساپ.

زاڭ بويىنشا قازاقستاندا جۇمىسىنان ايىرىلعان ادامدارعا مىندەتتى الەۋمەتتىك ساقتاندىرۋ جۇيەسىنە قاتىسۋ وتىلىنە جانە سوڭعى 24 ايداعى تابىسىنا بايلانىستى 1 ايدان 6 ايعا دەيىن الەۋمەتتىك تولەم تولەنەدى.

تولەم الۋ ءۇشىن ورىنداۋ كەرەك:

- eGov.kz پورتالىنا تىركەلۋ;

- «جۇمىسقا ورنالاستىرۋ جانە جۇمىسپەن قامتۋ» بولىمىندە «جۇمىس ىزدەۋشى ادامداردى تىركەۋ» اتتى قىزمەتتى تاڭداۋ;

- ونلاين-قىزمەتكە تاپسىرىس بەرىپ، بارلىق جولدى تولتىرۋ جانە وعان ەتسق-مەن قول قويىپ، ءوتىنىم جىبەرۋ;

- ءبىر كۇن ىشىندە تۇرعىلىقتى جەرىڭىزدەگى حالىقتى جۇمىسپەن قامتۋ ورتالىعى بوس جۇمىس ورىندارىن ۇسىنادى;

- ەگەر جۇمىس تابىلماسا، 3 جۇمىس كۇنى ىشىندە قاشىقتان جۇمىسسىز مارتەبەسى بەرىلەدى. قاجەت بولعان جاعدايدا قوسىمشا اقپارات جيناۋ ءۇشىن حجقو قىزمەتكەرى حابارلاسادى.

"ادىرنا" ۇلتتىق پورتالى

پىكىرلەر
رەداكتسيا تاڭداۋى