مارستا قيىندىققا تاپ بولدى

1070

ءىngenuity تىكۇشاعى قىزىل پلانەتادا قيىندىققا تاپ بولدى دەپ حابارلايدى "ادىرنا" ۇلتتىق پورتالى اەروناۆتيكا جانە عارىش كەڭىستىگىن زەرتتەۋ جونىندەگى ۇلتتىق باسقارمانىڭ (NASA) سايتىنا سىلتەمە جاساپ.

NASA ماماندارى تىكۇشاقتىڭ كوماندا بويىنشا 10 مەتر بيىكتىككە كوتەرىلگەنىن جانە وڭتۇستىك-باتىس باعىتتا سەكۋندىنا 4 مەتر جىلدامدىقپەن 150 مەترگە دەيىن ۇشقانىن ايتتى. ءارى قاراي Ingenuity جەردى سۋرەتكە ءتۇسىرۋ ءۇشىن وڭتۇستىككە قاراي تاعى 15 مەتر، كەيىن سولتۇستىك-شىعىسقا قاراي تاعى 50 مەترگە ۇشىپ، قونۋى كەرەك بولعان.

تەلەمەتريا Ingenuity العاشقى 150 مەتر ۋچاسكەنى ەش كەدەرگىسىز ۇشىپ وتكەنىن كورسەتكەن. بىراق كەيىن ونىڭ جىلدامدىعىندا اقاۋ پايدا بولعان. بۇل ۇشۋ سوڭىنا دەيىن جالعاسقان. تىكۇشاق جىلدامدىعى بىردە كوبەيىپ، بىردە ازايىپ ۇشۋ كەزىندە قيىندىق تۋعان.

NASA تىكۇشاق باعدارلاماسىندا شامامەن 54-ءشى سەكۋندتا اقاۋ شىققانىن انىقتادى، ول كامەراداعى ۋاقىت پەن ناۆيگاتسيا جۇيەسىنە تەرىس اسەر ەتكەن. سوعان قاراماستان Ingenuity-ءدىڭ مارستاعى التىنشى رەت ۇشۋ ارەكەتى ءساتتى دەپ سانالادى.

ماماندار اقاۋلار تۋرالى بارلىق دەرەكتى مۇقيات تالدايتىندارىن ايتتى.

 «ادىرنا» ۇلتتىق پورتالى. 

پىكىرلەر
ۇقساس جاڭالىقتار