وپپوزيتسيونەر ۆالەري تسەپكالو جاڭا باستاماسىن ايتتى. ول الەكساندر لۋكاشەنكونى ۇستاۋعا كومەكتەسەتىن جوبا جاسادى دەپ حابارلايدى «ادىرنا» ۇلتتىق پورتالى Vashno.ru سايتىنا سىلتەمە جاساپ.
تسەپكالو بەلارۋستاردى لۋكاشەنكوعا كىسەن سالاتىندارعا سىياقى بەرۋگە شاقىردى. قاجەتتى قارجى كولەمى — 11 ميلليون ەۋرو.
ونىڭ ايتۋىنشا، جاڭا تەحنولوگيا جاقسى ويلاستىرىلعان - «ءبىرىنشى قىلمىسكەر» قاماۋعا الىنعانعا دەيىن اقشا ادامداردىڭ ەسەپشوتتارىندا قاتىپ قالادى. وسىدان كەيىن عانا قاراجات ەو-دا تىركەلگەن شوتقا اۋدارىلادى، ودان اقشا وسى بيزنەستى جۇرگىزگەندەرگە جىبەرىلەدى.
YouTube-تە جاريالانعان جولداۋىندا ول بيلىك وكىلدەرى اراسىندا لايىقتى ادامدار بار ەكەنىنە سەنىمدى ەكەنىن، ولار ءۇشىن «حالىققا قىزمەت ەتۋ بوس ءسوز ەمەس» دەپ مالىمدەدى.
ءوز سوزىندە تسەپكالو لۋكاشەنكونى سايلاۋداعى الاياقتىعى جانە «ادامزاتقا قارسى قىلمىستارى» ءۇشىن ايىپتادى. وپپوزيتسيونەردىڭ پىكىرىنشە، قوعام ونىڭ كەيبىر ارەكەتتەرى تۋرالى ءالى دە بىلمەيدى.
ەسكە سالايىق، تسەپكالو 2020 جىلدىڭ جازىندا بەلارۋسسيادا وتكەن سايلاۋدا پرەزيدەنتتىككە تالاسقىسى كەلدى. الايدا ول ۇمىتكەر رەتىندە تىركەلمەگەن.
تسەپكالو پوليتسياعا ونى تۇتقىنداۋ تۋرالى بۇيرىق بەرىلگەنىن بىلگەننەن كەيىن پولشاعا كەتكەن بولاتىن.
«ادىرنا» ۇلتتىق پورتالى.
