ءۇندىستاندا كوۆيدتەن جازىلىپ شىققاندار «قاراكۇيە»(مۋكورميكوزا) اتتى ىندەتكە شالدىعىپ جاتىر. بۇل ىندەت 44 شتاتتىڭ 37-نە تارالىپ، 11 717 ادام ىندەتكە شالدىققان، دەپ حابارلايدى «ادىرنا» ۇلتتىق پورتالى.
بۇل ىندەت جۇققاندا ادامنىڭ ميىنا شاپپاۋ ءۇشىن كوزىن ويىپ الىپ تاستايدى ەكەن.
مامانداردىڭ ايتۋىنشا، بۇل دەرتكە كوروناۆيرۋستان جازىلعان ازاماتتاردىڭ شالدىعۋى جيىلەگەن. سوندىقتان اۋرۋ كوروناۆيرۋستى ەمدەۋ كەزىندە قولدانىلعان دارىدەن بولۋى مۇمكىن دەگەن بولجام بار. جالپى بۇل اۋرۋ ادەتتە توپىراقتا، وسىمدىكتە، شىرىگەن جەمىس-جيدەكتە كەزدەسەتىن ميكروبتان تارايدى ەكەن.
اۋرۋعا شالدىققان ادامنىڭ كوزى مەن مۇرىندارى قىزارىپ، باسى اۋىرىپ، جوتەل، دەمىكپە پايدا بولادى. ەلدىڭ دەنساۋلىق ساقتاۋ مينيسترلىگى مۋكورميكوز ينفەكتسياسىن رەسمي تۇردە ەپيدەميا دەپ جاريالايتىنىن حابارلاعان بولاتىن.
اۋرۋدىڭ تەز تارالۋىنا جەرگىلىكتى كليمات تا جاقسى جاعداي جاساپ وتىر دەگەن بولجام بار. سەبەبى قارا زەڭ قوزدىرعىشىنا جىلۋ مەن جوعارى ىلعالدىلىق قاجەت ەكەن. ۇندىستانداعى كۇن رايى قازىر تاپ سونداي. اۋا قاپىرىق ءارى ىلعالدى.
ايتا كەتەيىك، قازىردە 7 شتاتتا ەپيدەميا جاريالانىپ، اتالمىش اۋرۋدان 220-دان اسا ادام كوز جۇمعان.
"ادىرنا" ۇلتتىق پورتالى
