ايماعامبەتوۆ نەدەن قورقاتىنىن ايتتى: قاشىقتان وقىتۋ تاعى سوزىلا ما؟

4428
Adyrna.kz Telegram

قاشىقتان وقىتۋ تاعى ءبىر جىلعا سوزىلسا، ونى كوتەرە الماي قالۋىمىز مۇمكىن. ويتكەنى ونلاين فورمات ءبارىن شارشاتقان. ءبىلىم جانە عىلىم ءمينيسترى اسحات ايماعامبەتوۆ پەداگوگيكالىق كەڭەستە وسىنداي قورقىنىشىن ايتتى، دەپ حابارلايدى «ادىرنا» ۇلتتىق پورتالى كتك ارناسىنا سىلتەمە جاساپ.

«بىزگە كوروناۆيرۋسقا قارسى ۆاكتسينانى الىپ، ءتۇرلى بىلىكتىلىكتى ارتتىرۋ كۋرستارىنان ءوتىپ، جازعى مەكتەپتى جوعارى دەڭگەيدە وتكىزىپ، ەڭبەك دەمالىسى كەزىندە جاقسىلاپ دەمالىپ الۋ كەرەك. مۇنىڭ ءبارى كەلەسى وقۋ جىلىن باستاۋعا نەگىز بولادى دەپ ەسەپتەيمىن. مەن الداعى ءبىلىم بەرۋ جىلىندا ءداستۇرلى فورماتقا ورالامىز دەگەن ويدامىن. ويتكەنى ءبارى شارشادى. كەلەسى وقۋ جىلى قاشىقتان وقۋ فورماتىندا بولسا، وقۋ پروتسەسىنىڭ تيىمدىلىگىنە وتە قاتتى اسەر ەتەدى»، - دەيدى قر ءبىلىم جانە عىلىم ءمينيسترى اسحات ايماعامبەتوۆ.

قازاقستاندا كوروناۆيرۋسقا قارسى ەكپە سالدىرۋ ەرىكتى ەكەنىن اتاپ وتكەن شەنەۋنىك ارىپتەستەرىنىڭ دۇرىس شەشىم قابىلدايتىنىنا سەنىمدى. مينيستر ۆاكتسينانى ويلاپ تاپقانداردىڭ ىشىندە وتاندىق عالىمداردىڭ ۇلەسى بار ەكەنىن العا تارتتى. ال ەل ىشىندە ۇجىمدىق يممۋنيتەت قالىپتاسسا، ەلىمىزدىڭ باس مۇعالىمى قاشىقتان وقىتۋدان قۇتىلىپ، بارلىق بالانىڭ 1-قىركۇيەكتە مەكتەپكە ورالۋىن قالايدى.  ايتپەسە ونلايننىڭ كەسىرى وقۋشىلاردىڭ ءبىلىم ساپاسىنا كەرى اسەرىن تيگىزگەن سەكىلدى. ءبىر جاعىنان، ۇيدەن شىقپاي بالالاردى وقىتۋ بيۋدجەتكە دە اۋىر سوققى. بىراق ايماعامبەتوۆ بۇگىنگى جيىندا قارجى ماسەلەسى تۋرالى ءسوز قوزعامادى.

"ادىرنا" ۇلتتىق پورتالى

پىكىرلەر