ماحاتما گاندي اتىنداعى №92 مامانداندىرىلعان ليتسەيدە بەلگىلى جازۋشى، «قىلتۇساۋ»، «جالعىز جۇلدىزدىڭ جارىعى»، «تاعدىر تاقتاسى» اڭگىمەلەر جيناعىنىڭ اۆتورى دارحان بەيسەنبەكپەن «بۇگىنگى ادەبيەت جانە جاستار» اتتى كەزدەسۋ ءوتتى. مەكتەپ ۇستازدارى مەن وقۋشىلارى جازۋشىنىڭ شىعارماشىلىعى مەن بۇگىنگى ادەبيەت تۋرالى كوپتەگەن سۇراقتار قويىپ، وعان تۇشىمدى جاۋاپ الدى.
«الماتىعا وقۋعا تاپسىرۋعا كەلگەن كۇنى دالاعا تۇنەپ، ەرتەسىنە قانىش ساتباەۆ اتىنداعى تەحنيكالىق ۋنيۆەرسيتەتىنە وقۋعا ءتۇسۋدى ۇيعاردىم. وعان سەبەپ – جاتاقحانا ماسەلەسى بولدى. تەحنيكالىق ماماندىققا وقۋعا تۇسكەنىممەن، ءاۋ باستاعى ارمانىم بويىنشا ۋنيۆەرسيتەت گازەتىندە جۇمىس ىستەپ، جازۋشىلىققا بەت بۇردىم» دەپ دارحان بەيسەنبەكۇلى ءوزىنىڭ ادەبيەتكە كەلۋ تاريحىن بايانداپ بەردى. ول وقۋشىلارعا ناعىز كوركەم ادەبيەتپەن سۋسىنداپ قالاتىن ۋاقىتتارى وسى كەز ەكەندىگىن ايتتى.
سۇراق-جاۋاپ فورماتىندا وتكەن كەزدەسۋدە جازۋشى بىرنەشە ماسەلەلەردى قوزعادى. سونىڭ ءبىرى – قالامگەرلەر مەن وقىرماندار ماسەلەسى. بۇل تۇرعىدا ول «قالامگەر – ءونىم ۇسىنۋشى. وقىرمان – تۇتىنۋشى. دەمەك، تۇتىنۋشىنىڭ تالعامى بيىك بوپ تۇرسا، ءونىم ۇسىنۋشىنىڭ تالعامى دا وزگەرۋى كەرەك» دەيدى. سونداي-اق، جاستارعا بۇگىنگى جاس جازۋشىلاردىڭ، اتاپ ايتقاندا ە.ايدابوسىن، ق.تىلەۋحان، ق.ابىلقايىر سىندى ازاماماتتاردىڭ شىعارمالارىن وقۋعا كەڭەس بەردى.
كەزدەسۋ سوڭىندا ليتسەي ديرەكتورى ەرۇلان جيەنباەۆ قوناقتاردى قابىلداپ، الداعى ۋاقىتتا دا وسىنداي ماڭىزدى ءىس-شارالاردى وتكىزىپ تۇرۋعا شاقىردى.
ال قازاق ءتىلى جانە قازاق ادەبيەتى ءپانىنىڭ مۇعالىمى الماگۇل تاكىشەۆا جازۋشىمەن بولعان كەزدەسۋدىڭ وقۋشىلار ءۇشىن ماڭىزدى ەكەنىن جەتكىزدى.
«دارحان بەيسەنبەكۇلى «قىلتۇساۋ» رومانىندا قازىرگى جاستاردىڭ ومىرىندەگى وزەكتى ماسەلەلەردى، عاسىر دەرتىنە اينالعان ناشاقورلىق، قىزتەكەلىك، قوعام ومىرىندەگى باۋىر ەتى بالاسىن شەتەلگە ساتۋ سياقتى ماسەلەلەردى كوتەرگەن. رومان ءتىلى ديالوگ ارقىلى جەڭىل وقىلادى. جازۋشىمەن وتكەن كەزدەسۋ وقۋشىلاردى قاناتتاندىرادى دەپ ويلايمىن» دەدى ول.
ايتا كەتەيىك، «ەل-شەجىرە» قوعامدىق قورى ۇيىمداستىرعان بۇل كەزدەسۋ الماتى قالاسى ىشكى ساياسات باسقارماسىنىڭ تاپسىرىسىمەن ءوتتى.
