2021 جىلعى 26 مامىردا نۇر-سۇلتان ۋاقىتى بويىنشا ساعات 15:45-تەن 18:53-كە دەيىنگى ارالىقتا ايدىڭ تولىق تۇتىلۋىن كورۋگە بولادى، دەپ حابارلايدى «ادىرنا» ۇلتتىق پورتالى Stan.kz اقپارات اگەنتتىگىنە سىلتەمە جاساپ.
ايدىڭ تولىق تۇتىلۋى جەردىڭ كولەڭكەسى ايدىڭ بويىمەن جىلجىپ، كۇن ساۋلەسىن جاۋىپ تۇرعان كەزدە بولادى. كولەڭكە ايدىڭ بەتىنە سىرعىعان كەزدە، ول ەرەكشە قىزىل جارقىلعا يە بولادى - بۇل جەردىڭ اتموسفەراسىنداعى جارىقتىڭ يىلۋىنەن تۋىندايتىن اسەرى.
قازاقستان تۇرعىندارى بۇل استرونوميالىق قۇبىلىستى كورمەيدى، ويتكەنى بۇل كۇندىزگى ۋاقىتتا بولادى، بىراق شىعىس ازيا، اۆستراليا، تىنىق مۇحيت پەن امەريكا تۇرعىندارى ونى كورە الادى.
ايدىڭ تولىق تۇتىلۋى 14 مينۋتقا، 17:12-دەن 17:26-عا دەيىن سوزىلادى، ونىڭ شىڭى نۇر-سۇلتان ۋاقىتىمەن 17:18-دە بولادى.
2021 جىلى 26 مامىردا ايعا بايلانىستى بىردەن ءۇش استرونوميالىق وقيعا بولادى: پەريگەي، تولىق اي جانە ايدىڭ تولىق تۇتىلۋى. بۇل دەگەنىمىز، بۇل كۇنى جەردەگى ادامدار «سۋپەر ايدى» تولىق اي جەرگە 362 000 شاقىرىم قاشىقتىققا دەيىن جاقىنداعاندا كورەدى. بۇل 2021 جىلداعى «ەڭ ۇلكەن» اي بولادى.
استرولوگتاردىڭ پىكىرىنشە، 2021 جىلعى 26 مامىرداعى ايدىڭ تۇتىلۋى ادام ومىرىنە 18,5 جىل بويى اسەر ەتۋى مۇمكىن. ول وسى كەزەڭدە بىزگە اسەر ەتەتىن كارمالىق تۇيىندەردى وياتادى. 2021 جىل – ءتورت تۇتىلۋ جىلى: ەكى كۇن جانە ەكى اي. 26 مامىرداعى اي تۇتىلۋى 2021 جىلعى العاشقى تۇتىلۋ ءدالىزىن اشىپ بەرەدى. ول 2021 جىلعى 26 مامىردان ء(بىرىنشى اي تۇتىلۋى) 10 ماۋسىمىنا دەيىن (ەكىنشى اي تۇتىلۋى) جالعاسادى. وسى ەكى قۇبىلىستىڭ اراسىنداعى الشاقتىق تۇتىلۋ ءدالىزى دەپ اتالادى. وسى كەزەڭدەگى ادام ومىرىندەگى وقيعالار عۇمىرلى بولادى دەپ سانالادى، ال قاتەلىكتەردى بىرنەشە جىل بويى تۇزەتۋگە تۋرا كەلەدى. استرولوگتار تۇتىلۋ ءدالىزىنىڭ كەزەڭىن مۇمكىندىگىنشە ءپوزيتيۆتى تۇردە وتكىزۋگە، جانجالدار مەن قاقتىعىستاردان اۋلاق بولۋعا، سەنىمسىز جانە الاياق ادامدارمەن ارالاسپاۋعا كەڭەس بەرەدى. مامىر ايىندا اي تۇتىلۋى «مەرگەن» بەلگىسىندە بولادى. بۇل دانالىق پەن جاڭا ءبىلىم الۋ ۋاقىتى. جالپى كۇن مەن ايدىڭ تۇتىلۋى - بۇل ءبىر ءسات توقتاپ، وزىڭىزگە جانە ومىرىڭىزگە سىرتتاي قاراپ، ورىندالماعان ارماندار مەن جوسپارلاردى جۇزەگە اسىرۋ ءۇشىن نە ىستەلگەنىن جانە نە ىستەۋ كەرەك ەكەنىن باعالايتىن كەزەڭدەر.
"ادىرنا" ۇلتتىق پورتالى
