2021 jylǵy 26 mamyrda Nur-Sultan ýaqyty boıynsha saǵat 15:45-ten 18:53-ke deıingi aralyqta Aıdyń tolyq tutylýyn kórýge bolady, dep habarlaıdy «Adyrna» ulttyq portaly Stan.kz aqparat agenttigine silteme jasap.
Aıdyń tolyq tutylýy Jerdiń kóleńkesi Aıdyń boıymen jyljyp, Kún sáýlesin jaýyp turǵan kezde bolady. Kóleńke Aıdyń betine syrǵyǵan kezde, ol erekshe qyzyl jarqylǵa ıe bolady - bul Jerdiń atmosferasyndaǵy jaryqtyń ıilýinen týyndaıtyn áseri.
Qazaqstan turǵyndary bul astronomııalyq qubylysty kórmeıdi, óıtkeni bul kúndizgi ýaqytta bolady, biraq Shyǵys Azııa, Avstralııa, Tynyq muhıt pen Amerıka turǵyndary ony kóre alady.
Aıdyń tolyq tutylýy 14 mınýtqa, 17:12-den 17:26-ǵa deıin sozylady, onyń shyńy Nur-Sultan ýaqytymen 17:18-de bolady.
2021 jyly 26 mamyrda Aıǵa baılanysty birden úsh astronomııalyq oqıǵa bolady: perıgeı, tolyq aı jáne aıdyń tolyq tutylýy. Bul degenimiz, bul kúni jerdegi adamdar «Sýper Aıdy» tolyq aı Jerge 362 000 shaqyrym qashyqtyqqa deıin jaqyndaǵanda kóredi. Bul 2021 jyldaǵy «eń úlken» Aı bolady.
Astrologtardyń pikirinshe, 2021 jylǵy 26 mamyrdaǵy Aıdyń tutylýy adam ómirine 18,5 jyl boıy áser etýi múmkin. Ol osy kezeńde bizge áser etetin karmalyq túıinderdi oıatady. 2021 jyl – tórt tutylý jyly: eki kún jáne eki aı. 26 mamyrdaǵy Aı tutylýy 2021 jylǵy alǵashqy tutylý dálizin ashyp beredi. Ol 2021 jylǵy 26 mamyrdan (birinshi aı tutylýy) 10 maýsymyna deıin (ekinshi aı tutylýy) jalǵasady. Osy eki qubylystyń arasyndaǵy alshaqtyq tutylý dálizi dep atalady. Osy kezeńdegi adam ómirindegi oqıǵalar ǵumyrly bolady dep sanalady, al qatelikterdi birneshe jyl boıy túzetýge týra keledi. Astrologtar tutylý dáliziniń kezeńin múmkindiginshe pozıtıvti túrde ótkizýge, janjaldar men qaqtyǵystardan aýlaq bolýǵa, senimsiz jáne alaıaq adamdarmen aralaspaýǵa keńes beredi. Mamyr aıynda Aı tutylýy «Mergen» belgisinde bolady. Bul danalyq pen jańa bilim alý ýaqyty. Jalpy Kún men Aıdyń tutylýy - bul bir sát toqtap, ózińizge jáne ómirińizge syrttaı qarap, oryndalmaǵan armandar men josparlardy júzege asyrý úshin ne istelgenin jáne ne isteý kerek ekenin baǵalaıtyn kezeńder.
"Adyrna" ulttyq portaly
