ومىردە مۇندايدى ىستەي المايمىن دەگەن جاعدايلار بوپ تۇرادى. بىراق قولىڭنان كەلدى. ىستەدىڭ.
باسىڭا كۇن تۋعاندا، شەشە الماسپىن دەدىڭ. بىراق قيىندىقتى جەڭدىڭ.
سەنەن ايىرىلعانشا، ولگەنىم ارتىق دەگەن ادامىڭ بولدى. ايىرىلدىڭ. ولمەدىڭ. ول كۇن دە ارتتا قالدى.
باستان كەشكەن قيىندىقتىڭ ارقاسىندا بۇگىن سەن بۇرىنعىدان اقىلدى، جىگەرلى، مول تاجىريبەلى، ءبىلىمدىسىڭ. تار جول، تايعاق كەشۋدەن امان-ەسەن ءوتتىڭ.
البەتتە، الدا دا قيىندىقتار كەزدەسەر. بالكىم، قازىر ءبىر تۇيتكىلدى شەشۋمەن اينالىسىپ جاتىرسىڭ. اندا-ساندا ارتقا قاراپ - قولىمنان تۇك كەلمەيدى دەگەندە دە ءبارىن ەڭسەرگەنىڭدى ەسكە ءتۇسىرىپ تۇر.
ەسكە تۇسىرگەن سايىن وزىڭە كۇمان كەلتىرۋ بەكەر ەكەنىن پايىمداي بەرەسىڭ. ءومىر الدان قانشا سىناقپەن سىناسا دا، سەن ءبارىبىر العا قادام باساسىڭ.
ەڭ ماڭىزدىسى - سەن ءبارىبىر جەڭەسىڭ!
رالف مارستون
اۋدارعان شىنار ءابىلدا
