قازاق ۇلتتىق پەداگوگيكالىق ۋنيۆەرسيتەتىنىڭ پروفەسسورى، بيولوگيا عىلىمدارىنىڭ دوكتورى كەلىس جايلىباي 40-50 جىلدان كەيىن قازاق جەرى ءشول دالاعا اينالادى، ال ەلدىڭ باسىم بولىگى قۇرعاقشىلىقتا بولادى دەپ ەسەپتەيدى. عالىم ەكولوگيالىق اپاتتىڭ الدىن الۋ ءۇشىن بىرقاتار شارالار قابىلداۋ قاجەت ەكەنىن ايتتى، دەپ حابارلايدى «ادىرنا» ءتىلشىسى zakon.kz-كە سىلتەمە جاساپ.
«قۇرعاقشىلىقتىڭ الدىن الۋدىڭ جانە ونىڭ جاعىمسىز سالدارىن ازايتۋدىڭ ەكى قاراپايىم ءادىسى بار. بىرىنشىدەن، كومىردىڭ جانە جانۋ ونىمدەرىنىڭ مولشەرىن ازايتۋ كەرەك. سونداي-اق اتموسفەراداعى كومىرقىشقىل گازىنىڭ تەپە-تەڭدىگىن ساقتاۋ ءۇشىن بالاما ەنەرگيانى كوبىرەك پايدالانۋ قاجەت. ەكىنشىدەن، قازاقستاندا ەمەن، ارشا، اكاتسيا، تيۋجا، ۇيەڭكى، كاشتان، دجيدا، قاراعاي، تەرەكتىڭ كوپ مولشەردە ەگۋ كەرەك. بۇل وسىمدىكتەر فوتوسينتەزدىڭ قۋاتتى كوزى بولىپ تابىلادى جانە ۇزاق ءومىر سۇرەدى، – دەيدى ول.
عالىم قورشاعان ورتانى ساقتاۋ ءۇشىن جاستاردى ەكولوگيالىق پاتريوتيزم سالاسىندا تاربيەلەۋدىڭ ماڭىزىن ايتىپ، ادامداردى جاپپاي اعاش وتىرعىزۋعا تارتۋ قاجەت ەكەنىن العا تارتتى. اسىرەسە، بۇل ىسكە اۋىل وقۋشىلارى مەن اۋىلدىق جەرلەردە تۇراتىن حالىقتى جۇمىلدىرۋ قاجەت.
«ءار وقۋشى، جاس مامان جانە جەرگىلىكتى تۇرعىن كەم دەگەندە 5 نەمەسە 10 اعاش وتىرعىزسا، جىلىنا 12 ميلليونعا جۋىق اعاش كوشەتتەرى ءوسىپ شىعادى. ەگەر بۇل پروتسەسس 45-50 جىل بويى جالعاساتىن بولسا، ەلدە كوپتەگەن اعاشتار پايدا بولادى. ءبىزدىڭ اتا – بابالارىمىز «ەگەر الداعى ءبىر جىل تۋرالى ويلاساڭىز، ەگىن ءوسىرىڭىز، ال ەگەر الداعى 100 جىل تۋرالى ويلاساڭىز، اعاش ءوسىرىڭىز» دەپ تەككە ايتپادى»،–دەيدى عالىم.
«ادىرنا» ۇلتتىق پورتالى
